12星座另一半發脾氣要點解決？ 精選

睇完靠杯星球對12星座發脾氣既方式，我突然諗起依家既然我地知道，點解唔針對下手等我地知道可以點解決呢？依家我就分析左12個星座既感情觀 (寫到眼都盲)：


白羊座

佢地係玻璃心易受傷，亦非常霸道，一旦發脾氣就會冷言冷語、比說話你聽。因為唔中意拖泥帶水既關係，所以呢個時候你唔好做無謂既抵抗喇，係咁道歉，然後話自己抵死算啦。可以做啲浪漫野氹返佢，佢都受既，但中意硬碰硬就唔好揀白羊座做另一半。

金牛座

佢地係幾理性既人黎，好少情緒失控，平時都幾難察覺佢發脾氣。但當佢唔出聲太耐你要小心，因為佢地反而中意冷戰、唔出聲。呢個時候比啲空間佢地冷靜下先，主動講曬自己罪狀出黎，直接道歉就得。咁佢先覺得同你有將來，可以繼續一齊。
雙子座

佢地表面上好友際花、有活力咁樣，實際上冇乜安全感，亦唔中意講真心話，遇到問題唔會發脾氣同鬧交，寧願自己一直嬲嬲嬲嬲，屈到半死。仲有無論你講咩都聽唔入耳，非常硬頸。要破解佢咁雙重性格既一面，應該比更加多關懷佢地，唔好比佢地獨處。

巨蟹座

佢地會憧憬將來安定生活、心思細密，所以佔有率非常高，會將你放喺第一位。不過因為咁會比較多疑同猜忌，怕得唔同同樣付出既感情。萬一佢發脾氣會毫不留情咁鬧你 ，你一定要努力追返佢呀！

獅子座

佢地好易陷入一段感情，中意轟烈，亦可以好絕情咁搵到新對象，相反如果佢好中意你就唔會比人搶走。對佢黎講自尊心比較重要，你傷害到佢，要有心理準備接受各種懲罰。想氹返佢既話比有新鮮感、好玩既野佢就得。
處女座

本身性格有啲怪，唔中意同人太親近亦唔想比人見到佢脆弱一面。你一蝦佢，佢就會要求你公開道歉。另外唔好諗住可以呃佢或者玩心計，因為所有野都逃唔過佢法眼，而且表裡不一往往就係佢地最大武器。

天蠍座

佢地好恩怨分明，所以小事都好大事。唔容許人得罪、侮辱、欺騙、傷害自己，所以你對佢做既野佢會十倍償還，不過只有忍無可忍既時候先會終極報復。

射手座

天生樂天性格既射手座好多野都唔介意，佢地唔記仇、係大細路、好善良。雖然喺人地眼中佢地為左達到目的先行動，但實際上只有重要既人明白佢地就得。就算你真係激嬲佢地，只要扮傻仔就過到骨。
摩羯座

佢地唔會隨便討厭一個人，一定要搞到佢冇出路先會憎你。平時好擅長扮到咩都唔知既傻仔咁 (事實上佢好多野都真係唔知)，你令佢發脾氣既話就會露出真本性，即刻拎簿仔講曬你之前既罪狀出黎。想佢唔嬲既話可以買禮物送比佢地架，因為佢地份人好現實。

水瓶座

同名一樣好似用水造咁，天生悲觀，佢地一愛上一個人就會不能自拔，所以如果受傷害就需要好長時間忘記。開始嗰陣會扮做唔在乎、好瀟灑，事實上就偷偷地大喊、搵朋友呻。所以佢唔開心就要多啲關心佢、陪佢、安慰佢，佢好需要心靈上既支持。

天秤座
佢地最唔記仇，係和平使者，你嗲兩下佢已經原諒你啦。不過要注意佢地唔中意太痴身，同白羊外表獨立內心熱情相反，天秤表面上係好易相處，實際懶、一個人、冷靜係佢地既代名詞。

雙魚座

佢地係感性、溫柔同細膽既人，總係可以細微地觀察到人地唔知既野。但係佢地太自卑，好多時唔會講感受，你整到佢發脾氣就Gg，實唔開心到死。要氹返佢就要付出多啲時間，但唔使擔心，佢地之後會付出返同樣份量比你。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情Lovestoryhk
/定期更新愛情文章架，多謝支持/

_________________________________________________________________