想知女朋友諗咩?睇呢篇文就比到答案你

紙情 兩性專欄 於 22/09/2017 發表 收藏文章
男人成日呻唔明女人諗咩,其實只要細心觀察就可以了解佢地既內心架喇。


1. 將佢地既說話反面咁聽

依家女人既面皮分分鐘薄過男仔,所以好多時唔會直接講想要乜野,男朋友估唔到既話又會鬧交。其實女人心思唔難估架,佢地好多時會講悔氣說話或者反話,特登加重語氣,聽落去就好似有骨咁...呢個時候男人就要明白,女人掛住面子或者其他原因而唔直接講咋。

2. 睇面色做人

大部分女人七情六慾好明顯,中意同唔中意都已經擺曬上塊面度,所以想知道佢喜惡,一睇佢面色就一清二楚。如果佢黑曬面,咁代表佢嬲到面色都費時比,大鑊喇!

3. 不要問還需問

男人成日都好疑惑,女朋友心情唔好個陣問佢咩事又唔應,又話冇野,其實姐係有事定冇事?你估有野會咁易比你問到咩!問十次八次佢就自然會話你知,通常頭個幾次佢唔應係好正常既,當知道女朋友諗咩之後就係開始捕捉到對方心思既時候,可以進入下一步行動架喇。

4. 多溫柔

上面已經講左女人面皮好薄,如果你一味數落佢,即使係講笑咁講,佢脆弱既心靈都會比你踏到體無完膚。同埋女人係受軟唔受硬既,對佢溫柔啲,佢心情好啲又有你著數啦。

5. 多關心

女人最希望男方保護自己,令自己可以安心依賴佢,咁所以男仔要時不時關心佢既身體狀況。大家都知一個月總會有幾日係好唔舒服啦,呢個時候仲唔係男仔爭取表現既時候?煲碗紅豆沙或者送個暖水袋就當堂冧曬。

6. 多主動

男人如果成日怕怕醜醜,唔敢主動表達自己既心意,正常女人都唔會表達自己心意啦。所以要人向你敞開大門,都要你自己向女朋友大膽坦白先,而且去邊都主動講一聲,否則到時搵唔到人就盞鬧交架咋。唔係話好似備案咁啦,呢個行為表示你在乎佢,正正為佢增加安全感。

7. 安守本分

唔好對住任何女性講曖昧說話,例如傻瓜、豬仔、掛住你之類;又或者對方只係應你一句,你就係咁wtsapp人覆成三四句。因為你對人冇意唔代表人地對你冇意,你知啦依家愈來愈多淫婦就係中意做第三者,有女朋友更加激起自己既興趣。既然係普通朋友又何必比錯signal人?況且朋友之間無須咁親密掛?
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情Lovestoryhk
/定期更新愛情文章架,多謝支持/

loading

_________________________________________________________________

留言


請按此登錄後留言。未成為會員? 立即註冊
    快捷鍵:←
    快捷鍵:→