我家有個超級女朋友

紙情 兩性專欄 於 11/09/2017 發表 收藏文章
女朋友真係好勁...唔係讚佢,而係想問下你地女朋友會唔會咁樣。

首先佢係伏野雷達黎,叫親野食都伏到屎咁,但問題係佢個垃圾口食乜都話:「好正呀~」我好記得上次佢食舊豬肉話係全世界最好食,一咬落去隻眼好似高潮左咁﹛咁我見佢食得咁撚有滋味梗係拎黎試下。我屌屌屌屌,屌你老母~好撚硬呀。我嗰陣諗,唔搵佢做新假期或者主持飲食節目真係嘥曬。


仲有佢成日洗腦話我好瘦好瘦,我聽到佢咁講梗係以為自己仲好瘦,係咁食。本身我喺中學都幾多女主動埋身,依家我未Dup低頭已經有下巴出左黎,唔使出聲啲女行到老遠同我講野,喊出黎!!!佢又同我講我個頭比比鳥咁唔好睇,明明以前係好型既MK頭,依家?gel都唔gel變左頹廢look,你見到我係根本唔會記得我中學個樣。


相反佢自己又勁呀個樣十八變,中學粗框眼鏡、Pizza面、飛毛腿、單眼皮,經過年與日對化妝既鑽研,家下已經見得下人 (拿冇讚佢靚)。子華都有話:「你落左妝我仲認得你先叫化妝,你落左妝我唔認得你個啲叫喬裝 。」我覺得女朋友可以直接拎全美一叮金制囉,啲人成日話好怕兩個人拍耐左冇新鮮感。我唔係架!我日日都好新鮮,因為到訓覺嗰陣落妝變撚左第二條女同我訓


同埋我懷疑佢係豬八戒托世,放工返去就會冇消息,直至第二日先搵返我。呢十幾個鐘佢去左邊呢?原來去左訓覺。喺冇落妝冇沖涼冇刷牙既情況下訓到第二日..第二日如果唔使返工仲恐怖,刷完牙又爬返上張床度 轆轆下電話訓左。訓到食晚飯先起身,過左幾個鐘又訓...

呀同埋佢塊面好似中國變面大師咁,上一秒仲好開心,下一秒就會黑面。有次我比野食佢,再下一秒又會好開心;但佢整到成件衫都係,又黑面;幫佢洗乾淨左件衫應承陪佢去街,又好開心;佢中意間鋪頭冇開門,又黑面,轉換速度快到我估唔到。


不過最厲害既事都係我做咩都呃唔到佢,佢每次打黎都會識穿我打緊機,然後乖乖地咁收線等我打完。同佢講要訓覺,事實係好唔開心訓唔著又知。呃佢好飽,其實知佢中意食想比佢食多啲又知。明明好攰都要送佢返屋企,佢又知,叫我唔好送。

但有件事好屌就係———我所有Ex既野佢都知:第一次食飯去過邊度、旅行影過咩相、送咩禮物.....佢一講出黎,我好似做錯野咁勁緊張,嗰刻深深明白到女人果然係起底界專家黎。


你話佢係咪好恐怖?
_________________________________________________________________

如果中意我既文可以去我Instagram :lovestoryhk
或者like我facebook fanpage:紙情
/定期更新愛情文章架,多謝支持/

loading

_________________________________________________________________

留言


請按此登錄後留言。未成為會員? 立即註冊
    快捷鍵:←
    快捷鍵:→