呢篇文唔係教大家講大話呀下，我想講其實兩個人唔應該有秘密隱瞞既，大家有咩都要拎出黎講/分享。所以如果為左唔比對方知道自己做錯野，個啲就係惡意既大話啦。既然講大話會令到大家多左猜忌，影響關係，點解要講呢？因為有另外一種大話叫善意既大話，例如對方問你：「我勁唔勁？叻唔叻呀？」，或者問你：「你覺得我肥唔肥呀？」
如果你內心覺得佢勁肥/一啲都唔勁，Um..試下下次唔好直接講出黎，因為佢當下可能會笑笑口，實際上個心都會有少少唔舒服，始終自己心愛既人都唔支持自己嘛。有時佢唔係想聽到真心話，而係想你比一啲正面既反應，而且借呢個時候比機會你讚佢咁咋。
如果真係連善意既大話都唔想講，咁你大可以話：「你唔肥，你咁叫可愛。」，又或者講：「我聽人講有種運動好好玩，不如我地試下吖。」，用另一個表達方法叫佢減下。兩種方法：一係突出佢優點，一係用另一件事轉移視線，同時又可以減少佢既缺點，咁對方就會唔梗耳亦受落喇。
_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________
請按此登錄後留言。未成為會員? 立即註冊