點樣重拾以前既感覺？ 精選

你地有時會問我同男朋友有冇想分開，如果我同你講冇，你都唔信吧。畢竟我地只係普通一對情侶，正常人會經歷既野我地都經歷過。冇錯，曾經我地都有諗過呢個問題，覺得好多野都變左，唔似以前咁開心，即使坐低傾都會傾到鬧交，感情陷入危險而唔穩定既狀態。好似等緊其中一個開口講嗰兩個字咁，個心好攰，既然再傾都唔會有結果不如放棄。

但當我每次見到我地既相、佢送比我既禮物、回憶第一次去日本旅行玩，好多好多野都係同男朋友一齊嘗試同改變，依家差唔多走到婚姻仲繼續喺埋一齊，所有野好似命中註定咁樣....好幸運。我先發現其實大家只係忘記熱戀既感覺，心底裡面仲係好關心、擔心對方，我地都知雙方好需要彼此，冇左邊個都唔得。所以如果你地感情黎到樽頸位既時候，不如回到最初拍拖既地方感受下，可能會諗返嗰陣心跳既感覺。當然要兩個人想變好，否則一人只係徒然。

另外我喺網上見到有個方法唔錯，就係同佢黎一次真心話時間，不過想有成效要遵守幾個規則：

第一：聽到咩都絕！對！唔可以發脾氣/嬲，一脾氣就要終止互動，你地會冇得救。第二：要誠實同坦白，唔可以有半點隱瞞
第三：盡量講曬想講既野同感受，因為有可能你地今次係最後一次咁樣傾偈
第四：要搵個平靜既地方去做呢個互動，否則呢次互動就得唔到效果

.
.
.
.
.
以下落黎你比20分鐘大家，平靜地，跟住以下問題問就可以了.....

1. 你第一次見到我係咩感覺？
2. 講出3個你最討厭我既缺點
3. 每次鬧交有冇諗過要同我分開 點解？
4. 咁點解依家仲同我喺埋一齊？5. 你覺得有咩事會令我地分開
6. 咁你最後向我表白一次吧

呢六個問題期間可能你地會喊、會笑，問既過程裡面會反思呢段關係你得到乜野。就算淡左都好，其實最根本既感情冇變過，回想返以前開心、嬲、痛苦、傷心既回憶，或者你早就已經認定在眼前呢位吧。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/

_________________________________________________________________