情侶一齊耐左真係會愈來愈似大家 精選

(男朋友代寫，小編休息下先)

唔知點解我同呀b一齊得愈耐，我就愈來愈似佢，甚至為佢改變左好多。


以前既我係一啲辣都唔可以食，夾硬食既話會冒曬冷汗、流鼻水，甚至渣到一啖水一啖辣野。依家同左佢一齊之後，因為佢本身勁中意食辣，食乜春都會落好多辣椒醬，加上佢又中意去傷心酸辣粉(講真同佢一齊之前從來未食過酸辣粉)，但我見佢食得咁滋味就點少少試下。點知少少都ok接受到，仲覺得加左真係惹味啲，後來我同佢愈食愈辣，連食白飯都加成羹辣椒油。所以依家我地兩個恉成日去搵新既食辣地方！正！

以前既我會同唔同女仔會講啲好曖昧既野，想flirt曬啲女仔再慢慢揀，當然嗰陣未同呀b拍拖啦！但依家已經唔想再係咁做，我唔知點解，總之好撚柒厭惡。反而如果見到佢唔開心或者喊，我個心都會勁痛 (咪笑，屌你老味)。雖然佢由頭到尾都冇限制我識女仔朋友，不過慢慢我都冇再去同佢地傾偈，可能同女朋友傾會開心啲掛。
習慣上，性格上，我受佢影響下變左好多，我諗佢既重要性值得我去咁做。兩個人冇話性格啱唔啱，都係睇大家肯唔肯磨合架姐。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/

_________________________________________________________________