想做一個更幸福既人？快啲黎學廢青情侶時間表 精選

要成功做一對廢既情侶首先你要有大把時間，例如放假，你就有權去選擇廢，又或者你讀緊書平時放學冇野做，都可以拉埋另一半陪你做廢青。如果唔知點做一對廢青情侶既話，跟住下面個表就識做架喇。

_______________________________

13：00

其中一個已經比烈焰既陽光照醒左，呢個時候先驚覺依家係晏晝1點喇！仲未醒？！即刻拍醒另一半叫佢快啲起身啦。可能你會話佢係一隻豬，但其實自己都唔想咁快起身嘿嘿。

14：00

結果講完轉個頭又瞇埋隻眼，攬住另一半訓到2點。醒嗰陣心諗pk喇咁晏架拿，決定要起身刷牙洗面 (可以skip左化妝呢一步，要廢盡佢)。

14：30
花左一輪功夫起身之後，兩個人個肚開始咕咕叫，所以開始互相問大家食乜野，想外賣定落街食，因為外賣唔洗換衫「咁不如就外賣！」。雖然次次落街食都係沙灘褲配拖鞋，但懶既程度係懶得特登換一套新衫出黎。

14：45

終於傾掂數都係叫麥麥送啦咪煩，但係邊個打電話落單都要拗一餐..........都係懶...因為落單要講野。

15：00

麥麥送黎喇！邊個出房去開門又煩一餐，明顯係懶到郁都唔想郁。跟住一路睇多啦a夢/康熙來了一路食麥樂雞，麥樂雞要配蜜糖芥末或者咖哩醬，不過永遠人地叫既餐都比自己吸引，好快就食曬佢啲脆香雞翼。
15：30

食完又懶得dum垃圾，所以就咁放喺地下算，等有人接受唔到先拎出去dum。之後快脆轆返喺床上面......禁電話，禁下Instagram、睇下Facebook、上下YouTube又過左一個下晝。

20：00

夜晚是旦得啦，求其煮三包出前一丁(豬骨味)兩份食，叫佢煎兩隻蛋同腸！簡直係五星級伴碟呀！！

20：30

攬住一齊禁電話或者上網睇美劇/戲，可能仲會一齊沖個靚熱水涼~~~(訓左全日終於要起身)

23：00

呢埋喺佢胳肋底下面訓覺，偶爾會趁佢訓覺錫佢一啖、幫佢com被，或者拎隻腳比佢聞下hehehe_______________________________

唔好睇少hea左既呢一日/呢段時間呀，因為如果你試一次跟住呢個表過一日，你會覺得幸福到要死。到你重投學業公務既懷抱，你又會想死，寧願做返廢得黎又幸福既「人」。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/

_________________________________________________________________