喂！雖然話「無人完美 無人如己 何妨容納雙方對比」姐，不過你有變得更好既心，我係表示欣賞既。
1. 脾氣好
脾氣好就一定架喇，有壓力咪去打boxing囉，唔開心咪講出黎，使鬼向住另一半發洩？我問你，你對住老師會唔會突然間發脾氣？你對住老闆會唔會冇啦啦屌佢老母？唔會，你話因為佢地係有權利同地位既人，可以扣你操行分，可以炒左你。咁點解你對住另一半就咁易發脾氣？佢都可以同你講分手，到時你唔只傷到你自己，你仲傷到佢既心。bold text
2. 浪漫 間唔中有小驚喜
浪漫既人點都會加好多分，就算係木獨男女唔識搞浪漫都唔緊要，最緊要有氹女朋友/男朋友既心。大至突然送禮物 (唔論幾錢)、睇星星、去海灘，小至帶佢去食好西、睇佢想睇既戲都已經好好。不過要注意浪漫唔可以過量，如果係咁我覺得木獨男女比起勁識浪漫既男女仲吸引：第一佢唔係冇你心，只係唔識點主動、回應；第二，做出太多浪漫招數會比人一種A380既感覺，總之木獨男女其實提點一下都會識浪漫既。
3. 會幫佢解決問題
如果你朋友遇到問題你會去幫佢，你女朋友、男朋友就袖手旁觀？你同得佢一齊就要同佢行屬於你地既路，佢行行下跌低左你唔理佢，仍然繼續向前行？唔係咁樣囉，大家要互相幫手同溝通！你想自己行咁不如你都係單身返啦，兩個人既生活唔啱你。
4. 樂意去對方朋友/家人聚會
想同對方過下半生就要融入佢屋企，佢係你屋企人，所以佢屋企人等於你屋企人，你要學識愛屋及烏！我見過唔少人係唔中意見另一半屋企人，因為唔想打交道喎......但你試諗下你係你另一半可以點做？佢比你同屋企心夾喺中間都好辛苦，一黎佢想帶你比人地睇下，二黎既然大家日後咁多時間見，當然愈親密愈好。就好似我其中一個親戚既老婆咁，同我地好疏遠，於是就比人鬧冇禮貌。
可能你會話：「下，我又唔係同佢屋企人結婚，點解要打好關係？」，喂你可唔可以諗遠啲姐，你同佢屋企人熟，萬一發生咩事都可以幫你呀嘛。例如你男朋友晚晚好夜返，但身上好大朕唔係屬於你既香水味，佢屋企人一聞就知啦，你同佢地關係差？咪瞞住你，等你戇居居以為佢守緊中路囉。有時佢朋友仲可以做你線人，幫你睇實佢。
5. 聽佢訴苦之餘唔窒佢
其實佢都係想搵個人做樹窿，你唔做都算，仲要反過黎攻擊返佢？咁下次佢就唔會搵你，佢寧願搵一個可以聽佢呻既人算。但如果你真係想比啲意見佢，話曬係另一半梗係唔想睇住佢死，咁可以點算？你要睇下佢當刻激唔激動，盡量等佢一次過爆曬先講。另外講之前要問佢想唔想聽啲建議，句式如下：「我覺得(__人地壞話/佢委屈既地方___)，不過我又覺得你可以(___建議____)做！因為我唔想睇到你唔開心。」咁就可以喺唔會傷到佢自尊心既情況下幫到佢，而唔係盲目支持佢。
6. 願意做家務
兩個人分工梗係最好，佢唔肯做就夾大份啲出錢請工人，總之屋企乾乾淨淨就好啲。
7. 會一齊計劃未來
未來，係好虛無既野，但假如你個腦有藍圖，又好清楚咁話到比佢聽你之後啲野要點做，佢就可以放心同你結婚。因為唔係個個都咁有前景，打到埋黎先食往往都會出事，到時先發現大家太多意見不合，就會好易分手。
8. 知慳識儉
慳家從來都係一個美德，搵幾多就用幾多，唔會超過自己賺返黎個數。相反有啲人成日用另一半既錢周圍買野，可能一開始都仲忍到既，之後就會覺得你太大洗，成日鬧交。就算用自己錢都唔好比麻煩人，借左錢又還唔到，搞到大耳窿上黎追數嗰陣就真係多得你唔少。同埋慳啲使，結婚、買樓、生BB都要用，係時候儲存喇。
9. 清楚知道對方既需要/喜惡
一齊左咁耐梗係要好清楚佢，有時甚至你比佢更加了解佢自己。多啲留意佢中意食咩、唔中意食咩，成個偵探咁多打聽、多觀察同埋多問，咁佢就會覺得冇左你唔得。
10. 比任何人仲要擔心佢
佢痛好似你痛咁，佢比人蝦就好似你比人蝦咁要還手！
要注意呢個表男女都適用架，因為要做一個完美伴侶唔係其中一方既事，兩個都有責任做得更加好。如果你另一半有呢啲特點既話就嫁比佢/娶左佢啦！你上世都唔知做左幾多好事呀。
_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________
1. 脾氣好
脾氣好就一定架喇，有壓力咪去打boxing囉，唔開心咪講出黎，使鬼向住另一半發洩？我問你，你對住老師會唔會突然間發脾氣？你對住老闆會唔會冇啦啦屌佢老母？唔會，你話因為佢地係有權利同地位既人，可以扣你操行分，可以炒左你。咁點解你對住另一半就咁易發脾氣？佢都可以同你講分手，到時你唔只傷到你自己，你仲傷到佢既心。bold text
2. 浪漫 間唔中有小驚喜
浪漫既人點都會加好多分，就算係木獨男女唔識搞浪漫都唔緊要，最緊要有氹女朋友/男朋友既心。大至突然送禮物 (唔論幾錢)、睇星星、去海灘，小至帶佢去食好西、睇佢想睇既戲都已經好好。不過要注意浪漫唔可以過量，如果係咁我覺得木獨男女比起勁識浪漫既男女仲吸引：第一佢唔係冇你心，只係唔識點主動、回應；第二，做出太多浪漫招數會比人一種A380既感覺，總之木獨男女其實提點一下都會識浪漫既。
3. 會幫佢解決問題
如果你朋友遇到問題你會去幫佢，你女朋友、男朋友就袖手旁觀？你同得佢一齊就要同佢行屬於你地既路，佢行行下跌低左你唔理佢，仍然繼續向前行？唔係咁樣囉，大家要互相幫手同溝通！你想自己行咁不如你都係單身返啦，兩個人既生活唔啱你。
4. 樂意去對方朋友/家人聚會
想同對方過下半生就要融入佢屋企，佢係你屋企人，所以佢屋企人等於你屋企人，你要學識愛屋及烏！我見過唔少人係唔中意見另一半屋企人，因為唔想打交道喎......但你試諗下你係你另一半可以點做？佢比你同屋企心夾喺中間都好辛苦，一黎佢想帶你比人地睇下，二黎既然大家日後咁多時間見，當然愈親密愈好。就好似我其中一個親戚既老婆咁，同我地好疏遠，於是就比人鬧冇禮貌。
可能你會話：「下，我又唔係同佢屋企人結婚，點解要打好關係？」，喂你可唔可以諗遠啲姐，你同佢屋企人熟，萬一發生咩事都可以幫你呀嘛。例如你男朋友晚晚好夜返，但身上好大朕唔係屬於你既香水味，佢屋企人一聞就知啦，你同佢地關係差？咪瞞住你，等你戇居居以為佢守緊中路囉。有時佢朋友仲可以做你線人，幫你睇實佢。
5. 聽佢訴苦之餘唔窒佢
其實佢都係想搵個人做樹窿，你唔做都算，仲要反過黎攻擊返佢？咁下次佢就唔會搵你，佢寧願搵一個可以聽佢呻既人算。但如果你真係想比啲意見佢，話曬係另一半梗係唔想睇住佢死，咁可以點算？你要睇下佢當刻激唔激動，盡量等佢一次過爆曬先講。另外講之前要問佢想唔想聽啲建議，句式如下：「我覺得(__人地壞話/佢委屈既地方___)，不過我又覺得你可以(___建議____)做！因為我唔想睇到你唔開心。」咁就可以喺唔會傷到佢自尊心既情況下幫到佢，而唔係盲目支持佢。
6. 願意做家務
兩個人分工梗係最好，佢唔肯做就夾大份啲出錢請工人，總之屋企乾乾淨淨就好啲。
7. 會一齊計劃未來
未來，係好虛無既野，但假如你個腦有藍圖，又好清楚咁話到比佢聽你之後啲野要點做，佢就可以放心同你結婚。因為唔係個個都咁有前景，打到埋黎先食往往都會出事，到時先發現大家太多意見不合，就會好易分手。
8. 知慳識儉
慳家從來都係一個美德，搵幾多就用幾多，唔會超過自己賺返黎個數。相反有啲人成日用另一半既錢周圍買野，可能一開始都仲忍到既，之後就會覺得你太大洗，成日鬧交。就算用自己錢都唔好比麻煩人，借左錢又還唔到，搞到大耳窿上黎追數嗰陣就真係多得你唔少。同埋慳啲使，結婚、買樓、生BB都要用，係時候儲存喇。
9. 清楚知道對方既需要/喜惡
一齊左咁耐梗係要好清楚佢，有時甚至你比佢更加了解佢自己。多啲留意佢中意食咩、唔中意食咩，成個偵探咁多打聽、多觀察同埋多問，咁佢就會覺得冇左你唔得。
10. 比任何人仲要擔心佢
佢痛好似你痛咁，佢比人蝦就好似你比人蝦咁要還手！
要注意呢個表男女都適用架，因為要做一個完美伴侶唔係其中一方既事，兩個都有責任做得更加好。如果你另一半有呢啲特點既話就嫁比佢/娶左佢啦！你上世都唔知做左幾多好事呀。
_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________
請按此登錄後留言。未成為會員? 立即註冊