揀另一半最好揀第二種 精選 推薦

分享一篇網上既文比大家啦，但呢篇文原本有啲地方都太偏頗，於是我改一改，貼合返現實。同埋本身篇文係講好男人標準，不過女人都有責任要維持感情啦，所以篇文其實男同女都啱用既。


第一種

佢：我夜晚去同朋友食飯呀
我：幾點返屋企？
佢：食完就返啦 冇話幾點
/十一點半/
我：返黎未吖..擔心你
佢：唉得啦得啦 好快
/十二點......一點……/
最後你知道根本唔洗打電話催佢

第二種

他：我夜晚同朋友食飯 九點左右返
她：好呀 咁我等你他：放心 就算遲左都會預先講
/九點/
他：我就到喇～你開定門吖

💡信任就係喺一件一件小事累積起黎，對於一個唔守承諾既人，無論點，所有既肯定都只係未知之數。
________________________

第一種

你：唔該可唔可以幫我拎杯水
佢：你自己拎啦 冇手咩！

第二種

你地一齊睇緊電視
佢：做咩起身呀 去邊？
你：去拎水呀 突然間好口渴....佢：你坐喺度啦 我知你返工辛苦

💡其實彼此間都係想多啲關心 少啲計較
________________________

第一種

佢：你係好好既另一半
你：我邊度好？
佢：學歷高 做野好叻 外型好睇 對我又咁好

第二種

佢：你係好好既另一半
你：我邊度好呀？
佢：你對身邊每一個人都好友善🐻你講野令人覺得好溫暖。同你一齊係我最幸福既事 有咩事只要你喺度已經比左最大力量我
💡如果一個人因為你對佢好所以覺得你好，咁你應該同佢繼續一齊。但如果一個人知道你既好，所以想對你好，咁你應該嫁比佢/娶佢，幸福既愛情係要兩個人互相欣賞同付出。
________________________

第一種

佢：我夜晚同朋友去飲酒呀
你：你唔係應承同我睇戲咩？
佢：咁咪搵過另一日囉

第二種

佢：我夜晚同朋友去飲酒
你：哦.......好啦................
佢：做咩唔開心呀？
你：你唔記得今晚約左我睇戲咩？佢：呀係喎....咁我同朋友講先！
你：唔好啦 你陪朋友啦
佢：應承你既野一定要做 況且我地好耐冇拍拖喇！我依家黎接你！

💡真正既戀情係要考慮大家感受，咁輕易放飛機，倒不如一開始唔好約了。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/

_________________________________________________________________