好憎你成日同佢一齊，想忘記你，但最後都係做唔到 精選

同佢分開第3日

鬧鐘準時7點叫醒我又要起身返工，我同以前一樣用15分鐘刷牙洗面，30分鐘化妝，然後10分鐘著起嗰套黑色既套裝。雖然我同佢分左手，但係我喺佢搬走嗰日清洗過全屋，完全冇佢住過既痕跡，成件事就好似冇發生過一樣。我，從來都冇愛過佢。
同佢分開第10日

仍然迷糊半醒時份，我突然覺得胃痛，當刻下意識咁叫左句：「嘉偉」，叫左幾次都只係聽到冷氣機既運作聲。呀，忘了，佢已經走左，係我趕佢走。

同佢分開第17日

老闆叫我入房傾啲野，原來我終於升職，呢3年黎我冇介意過OT，乜野豬頭骨都捱過，做到呢個職位係我應得既！但呢個時候我最想分享既人竟然係佢，3年黎如果唔係佢喺公司暗中幫手，我諗我一早就resign左。唔係，唔好搵佢，如果唔係佢喺公司同Maggie.......
「你就似猶大 人云亦云揀一個隨便去擁戴」

同佢分開第4個月

喺呢幾個月我諗返起佢既日子愈來愈多，每次要平復心情既時間愈來愈長。我突然好想睇返我地以前啲相，玩旋轉木馬、雪糕融左喺地.....咩相都影一餐。恨意、怒意，仲有一種混雜不清既感情交織埋一齊。唔知出於咩衝動，我開始收唔到聲咁喊。

「我好憎你。」

一邊講，一邊抱住相冊唔放手，我諗起同佢既甜蜜回憶，去旅行拍過既短片，佢同Maggie出軌既證據。

其實當時既我又點會唔想佢只係屬於我一個？只係過左幾個月點會咁易忘記？但我更加接受唔到同人地分享，我知道只有時間同朋友先可以幫到我。請唔好再沉淪喺以前喇，以前既佢已經死左。
「離開請你早 傷心一輩子來問你怎彌補
簡單的快樂都不歸於我
能令我明白到誰是錯 蠢人是我」
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/

_________________________________________________________________