唉小編男朋友又要dum低我喇！！
我地唔係分手而係佢要返大陸做野。我記得我地啱啱一齊半年嗰陣佢又dum低我，去左加拿大足足一個月。可能你會話一個月唔係好耐姐！但係一個月對我黎講好似楊過等左姑姑16年咁，嗰陣我係咁返工賺錢等自己冇咁辛苦。到佢返黎嗰日我去左接機，一見到佢啲眼淚唔受控制咁爆出黎，唔講啲人應該以為佢走左5年咁。
今次佢走唔同上次，上次都話只係啱啱一齊半年，感情基礎可能未係咁穩固，依家佢就好似我身上面既一舊肉，要切左佢簡直要取我條命。開始倒數返大陸既日子，我日日都提唔起勁，做乜都冇心情，硬係覺得個心銀住銀住咁。成日睇電視、撳電話嗰陣突然喊，成個癲婆咁。
就連琴晚發夢我都發到佢死左要上車去投胎 ，我明知呢件事對佢係好事(就好似佢返大陸咁)，但一諗起佢投胎會忘記曬同我既回憶，我寧願同佢一齊死可能仲好啲。一諗到呢度我就扎醒，醒左仲係淚流滿面緊。調整心情之後訓返又再發夢，今次係同佢一齊去泰國玩，佢突然話要返去香港搞啲野，要我留喺泰國度自己玩住先，嗰刻覺得我地距離真係好遠。
或者你覺得我真係好誇張啦，平時咁獨立點解呢刻先咁痴身，事實係佢唔喺度我都唔知點算。
_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________
我地唔係分手而係佢要返大陸做野。我記得我地啱啱一齊半年嗰陣佢又dum低我，去左加拿大足足一個月。可能你會話一個月唔係好耐姐！但係一個月對我黎講好似楊過等左姑姑16年咁，嗰陣我係咁返工賺錢等自己冇咁辛苦。到佢返黎嗰日我去左接機，一見到佢啲眼淚唔受控制咁爆出黎，唔講啲人應該以為佢走左5年咁。
今次佢走唔同上次，上次都話只係啱啱一齊半年，感情基礎可能未係咁穩固，依家佢就好似我身上面既一舊肉，要切左佢簡直要取我條命。開始倒數返大陸既日子，我日日都提唔起勁，做乜都冇心情，硬係覺得個心銀住銀住咁。成日睇電視、撳電話嗰陣突然喊，成個癲婆咁。
就連琴晚發夢我都發到佢死左要上車去投胎 ，我明知呢件事對佢係好事(就好似佢返大陸咁)，但一諗起佢投胎會忘記曬同我既回憶，我寧願同佢一齊死可能仲好啲。一諗到呢度我就扎醒，醒左仲係淚流滿面緊。調整心情之後訓返又再發夢，今次係同佢一齊去泰國玩，佢突然話要返去香港搞啲野，要我留喺泰國度自己玩住先，嗰刻覺得我地距離真係好遠。
或者你覺得我真係好誇張啦，平時咁獨立點解呢刻先咁痴身，事實係佢唔喺度我都唔知點算。
_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________
請按此登錄後留言。未成為會員? 立即註冊