同另一半去旅行要注意乜野？有客觀因素既意外出現點算？(下) 精選

同另一半去旅行真係好驚會鬧交，好多人落得開心過後分手既下場。其實之前我都有寫過呢類題材，不過只係講左兩人因為生活習慣唔同產生既問題。所以如果旅行期間發生預計唔到既意外，搞到心情跌落谷底/非常燥底，你要點做先唔會影響感情呢？


5. 睇錯資料甚至資料錯誤

呢樣我成日犯~~~眼大睇過龍上錯車、去錯地點呢啲時有發生，如果真係趕時間最好搭的士算數，因為咁難得放假去旅行，梗係寧願蝕錢好過冇左啲時間啦。

6. 唔夠旅費

唔想用到唔夠錢就一定要Mark實洗費，每用一舊錢就用電話/筆記簿記低佢，限住自己每日用幾多錢。如果今日洗突左，聽日就要減少開支。萬一真係大花筒到Mark左都冇用....咁你用信用卡啦....返黎先賺返囉唔係點。

7. 身體不適
呢樣真係最慘，我呢個旅行就試過冇啦啦行行下夜市好肚痛，乜都唔食得，行幾步又要去廁所。所以要準備定暈浪丸呀、白花油、保濟丸呀，食完即刻咩事都冇，冇影響之後食野。

8. 比人偷野

我幾時都話銀包唔好放褲袋，人地好易撞一撞你就偷走。錢唔見左都冇咁大鑊，護照證件冇就要補領，到時實會影響之後既行程，咁所以貴重野放喺最入既暗格啦！不過酒店房比人爆格又點算？呢個時候搵返保險公司同埋叫香港朋友幫手喇。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情/定期更新愛情文章架，多謝支持/


_________________________________________________________________