愛情信箱90：佢咩都同我講，係咪姐係中意我？ 精選

問題：

你好呀。我有d 愛情問題想問下，希望你可以比d 意見。Thx

幾個月前我係個event 識左個男仔，大家交換左電話，之後都keep 住有whatapp 既。可以話係差不多日日都有，係試過一，兩日冇。但有時佢又未必會主動搵我，我搵佢多d。可能我性格比較主動同多野講。而佢就比較被動d, 佢雙魚座的。

有時佢都要出trip, 佢都會同我講既，或者有d 咩特別都會話我知。我地單獨都出過幾次街,又睇過戲，不過就冇咩身體上的接觸。所以我唔知佢對我係咩感覺？但我自己覺得大家對大家係有feel, 但又未有進一步。咁你覺得我係咪應該等佢有進一步行動再算呢？咁我係咪唔好再咁主動搵佢呢？____________________________________________________________________________________

回覆：

首先你睇下佢係咪真係中意你先：

❶佢平時好地地唔會搵你 有事相求先會搵
❷出去既行程 包括去邊食咩都係你諗
❸你提起近況 佢只係掛住玩手機 根本冇心機聽
❹盡量避免同你有單獨一齊既機會
❺佢喺你面前成日提起另一個異性
❻你約親佢都用好忙做藉口 減少出街次數

❼覆你覆得好慢 好hea 甚至明明上線但冇覆你
❽同你一齊嗰陣好少笑

如果中曬就麻麻地喇~~~做住朋友先啦。

如果對方日日都主動搵你傾偈
如果對方好清楚記得你最近既貼文係講乜野
如果你叫對方做乜野
即使係呢一刻叫佢做 佢都唔會拒絕
如果對方成日無故送禮物比你
如果你出左事 佢比任何人更加擔心

呢個表如果中曬反而係得米喎！

我覺得你同佢照好似依家咁先，你都可以講多啲你既野比佢聽回應下佢架！假如佢唔係答得一兩句，你問佢先答，咁樣都okay理想既。