做女朋友一定唔可以講呢10句(上) 精選

上回就講到男朋友講咩係死罪，講左必定會令女朋友發脾氣(傳送門：上集--->http://s.fanpiece.com/Jj65osw；下集--->http://s.fanpiece.com/doDayG9)。但其實女仔唔好諗住乜都講得，有啲說話都係地雷黎，唔小心講左一定反面架！


我覺得你咁著好肉酸

男人自尊心一向強架喇，你咁樣直接踩佢其實冇用，因為佢已經出左街仲點樣換返件正常衫呢？你講完盞佢全日都為左件衫煩。

分手啦， 一唔一齊都冇所謂

真係分手可能都冇乜野，但女仔咁講多數係悔氣話，一講呢句代表男朋友又要氹。同埋呢句「冇所謂」真係好傷感情呀，分分鐘和好之後佢都仲記住你講過。

你忙又點？唔使覆我架？

已經解釋左做緊野/開緊會，咁當然覆唔到電話吧。你諗下佢如果係咁覆你，搞到佢老闆鬧到佢pk，謝曬皮咁返黎又發返你脾氣，件事會唔會更加難搞？
你啲fd好煩呀！唔准同佢地打機

呢鑊真係手心係肉手背又係肉，相信男朋友係絕對唔會想二揀一。正如佢話你啲姊妹成日講事講非好煩一樣，你都會覺得佢蠻不講理啦！

夠喇，我咩都唔想聽

有時佢真係做錯左想解釋返，你咁樣講佢仲可以做到咩氹返你？攬又縮、錫又避....呢鋪真係嘔血都唔得。

_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/

_________________________________________________________________