點樣先識到異性？點樣脫單？ 精選 推薦

好似好耐冇講過點樣溝女/溝仔，Sor今次我就講下追求嗰陣要注意既野啦。其實係咪要有樣先識到異性呢？所謂「沒有醜女人 只有懶女人」，只要執好形象、保養好啲皮膚，就唔使怕個樣嚇親人架喇。


要多啲去party同埋興趣班

認真喺生日party又好、 Christmas party都好，啲人唔再限制喺公司同學校，到時就可以識到多啲唔同類型既異性。另外學日文韓文最多女同學，你話自己唔太熟上一堂既內容，問佢介唔介意課前早啲到，或課後留耐啲教你。總之叫身邊朋友有咩聚會都call埋你！

唔使太驚青

可能對方第二日要返早，但佢仍然問你仲想唔想繼續行街，姐係佢呢刻想同你一齊啦！你就唔好懶好心say no喇，因為單獨一齊既機會唔係時時都有架。
認真做野就得

成日都話認真做野既男人最吸引，當你返工嗰陣埋頭苦幹咁做野會比人一種有明確目標既感覺，呢種男人相比起hea做既男人更有吸引力。同樣地女仔認真做野唔偷懶，或者識煮野食都好charm架。

要掌握回覆速度

Wtsapp都要好有技巧架，有人話係咪已讀不回就可以抬高身價？非也，咁樣做會令對方失去興趣添。但係下下秒回/覆勁長/連續覆幾個msg都唔得！咁樣會令佢好大壓力，慢慢唔想同你wtsapp。所以有時對方忙未覆到(睇都未睇)就姐係唔得閒啦！仲狂wtsapp係咪想死？

唔好自以為是，亦唔好太自卑

可能你依家覺得自己好勁，一輪咀咁講自己有咩好、 賺幾多，但人地聽落似曬命多啲囉.....不過又唔好太自怨自艾，係咁向對方訴苦真係有啲煩。如果同性朋友梗係冇乜野啦，異性既話會唔知點答你..
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________