愛情信箱78：我唔中意男朋友打機，又介意佢前度！ 精選

問題：

Hello姐姐 我尋晚同男朋友慶祝生日同一個月嘅紀念日 但一開始佢就要我去佢個fd屋企睇佢打機 咁我見係佢生日咪忍吓囉 點知佢真係完全唔理我又要我留係到自己hea 尋日唔開心咗成日 雖然我同佢都知道嗰問题係邊 但就到依家一直都唔開心 我可以點做吖

我次次見到男朋友同前度啲相同送俾佢嘅嘢 我就會呷醋叫佢del 叫佢dum 佢肯做但我每次一離開佢身邊就會好驚佢出軌所以成日都check住佢 其實我係咪應該對佢有多啲信任 我應該點做先好😔____________________________________________________________________________________

回覆：

其實你對佢唔夠信任，如果你同男朋友既前度比，你愈嘈，就會愈跌入前度既陷阱，到時你咁而同男朋友分手，最後得益係邊個？自己諗啦。同埋你有冇諗過當你每次夾硬提起佢個前女友/男友，佢原本可能唔記得以前既野架喇，依家比你提返起，反而會諗返前度既好囉。

至於前度送既野唔洗dum架，你dum左佢前度啲野又點？佢要掛住既根本阻都阻唔到，好快佢都會離開你 搵返前度，加上成日提住，咪又令佢諗返起前度~相反如果將啲野留喺度，包實曬放入床下底，可能佢會慢慢忘記呢。依家既你倒不如珍惜時間，帶佢去建立新既片段仲實際吧。

另外佢生日當然係佢中意做咩都得，如果你咁都唔陪佢，就變左你生日唔係佢生日啦。既然佢開心，其實比佢打仲好，中意打機既男仔好少出軌架。