愛情信箱77：心儀女仔話我唔夠sporty要做返普通朋友 精選

問題：

我同阿A就係暑假既興趣班都識既，我地雖吾同學校，開左學之後都有keep住成日傾計，關係都幾close。
佢覺得我地一齊skype,一齊wts/snapchat果時好開心，又有啲中意我。但就因為A屋企人係讀書期間吾應該拍拖,所以我地就一直都keep住呢種關係，讀完書先一齊拍拖，我都答應左會等佢。

呢一排佢突然同我講，佢只係欣賞我，並吾係真係咁中意我。佢就舉左一個例，話我成日打機又吾sporty。仲話我同佢之間都係做番普通朋友好啲,佢仲成個人單淡哂。咁樣其實係個post入面既矛盾定係價值觀問題？咁我又應該點做先好😕____________________________________________________________________________________

回覆：

算啦，我覺得佢話屋企人唔比拍拖係借口黎姐，目的係想拒絕你。講真，如果佢真係中意你又點會控制到自己？同埋佢仲細個，所以會睇外在，或者你真係唔係佢中意嗰type啦。不過你唔使擔心既，去到大學啲人好少會睇外在，咩野唔sporty？如果夾既話，興趣係乜根本同個人冇關係。