愛情信箱69：男朋友同之前出軌對象仲有聯絡可以點做？ 精選

問題：

有啲野想問一問你意見

話說我同一個男仔(A)11月嗰陣一齊左(我地9月先識，過左一個禮拜佢就話鍾意我，慢慢我都鍾意左佢)
佢份人唔算話好outgoing，幾鍾意打lol，但都有唔少女仔朋友(有一次見到佢snapchat個list頭嗰五六個都係女仔名。我知道佢7月先同之前個女朋友散，佢同我講話因為覺得個女仔好強勢，同佢一齊好辛苦所以叫散。但我最近從佢啲朋友口中得知原來唔只呢個原因，另一個原因係佢嗰陣發現自己鍾意左另一個女仔(B)，所以先想同佢個ex散。
我知道嗰陣o左，佢個朋友話佢同個ex散左之後佢再問關於佢同B既野嗰陣佢已經無答佢，之後佢就識左我同我一齊。佢個朋友講起個名(B)嗰陣，我醒起我有喺佢snapchat度見過呢個名，即係佢地仲有聯絡。同埋佢有一次同我講佢發夢自己偷食，其實我唔知佢對個女仔仲有冇感覺，又會唸好多野，覺得佢好似想英國一件香港一件咁。我好想知到底佢仲鍾唔鍾意個女仔，但又唔問得，你覺得我地仲應唔應該再一齊？
____________________________________________________________________________________

回覆：

我覺得佢唔多信得過喎，既然佢出過軌就好易會再出多次，隱瞞咁多野好難唔懷疑佢。不過，你直接問佢啦，如果佢有如實同你講係有keep住同linda傾偈，咁代表仲有得解決既。如果佢係咁否認，你真係要三口六面同佢講清楚呀。