如果出現呢4個訊號，就要小心你地既愛情危機！ 精選

愛情一旦萌芽就會無法自拔，每日迫不及待想見到對方，恨不得每分每秒都同佢朝夕相對。但係當兩個人相處既時間愈長，好多人都受唔住沉悶既相處模式，甚至受唔住對方既脾氣而有諗過分手。如果你想呢段感情幸福長久，或者要留意平時有可能出現既信號喇。


被其他人吸引

當你見到一個條件唔錯既異性(不包括明星)，正常係唔會念念不忘既。萬一你諗起對方仲多過掛住另一半既時間，代表你目光已經放左喺另一個人度，對女朋友/男朋友開始感到厭倦喇。

唔想二人獨處

寧願搵朋友一齊行街食飯都唔想抽少少時間同伴侶拍拖，關於佢既生活冇乜興趣的話，你要認真諗諗大家之間出現左咩問題呀！

對另一半睇唔順眼

每次同佢一齊就會失去笑容，總係想從佢身上挑剔一啲野。情緒亦變得好易嬲，不耐煩同暴燥。
相處時大半時間睇手機

雖然依家啲手機愈出愈先進，加上裡面既遊戲都好吸引，但有啲人真係太誇張喇。無論食飯、訓覺、兩個人獨處、定行緊路，左手明明拖住佢，另一隻手就一直禁電話。任何時間都係睇住手機，根本冇將對方既說話聽入耳，亦都好少抬高頭望住對方，好明顯佢喺你心中既地位降低唔少啦。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________