勿做麻煩前度！分手後最忌做咩行為？ 精選 推薦

每對情侶最唔想行到分手呢個結局，無論係出軌、淡左、性格不合等問題，分手嗰刻已經冇得再追究。但係即使你好辛苦好傷心，都要記住唔好犯以下錯誤！


放棄生命

呢點唔使講都知千祈唔好做。

即刻拖第二個

如果咁樣做都幾無言，就算你冇唔開心都唔使咁快掛。最麻煩係你連累到你現任，啲人實會覺得你現任係第三者啦。

將責任推曬比對方

講真，你冇做錯過咩真係？！如果對方由始至終都冇出軌偷食，咁個責任已經唔係100%屬於佢啦。喺Ig同Fb上面唱衰佢真係好咩？問題係你post完出黎大家會點睇你，可能會嚇走啲原本對你有興趣既人添。
向對方現任抺黑佢

呢樣真係非常缺德既行為，如果你講事實都冇乜野，但假若你只係唔想佢有好日子過，所以抺黑前度有性病既話...真心覺得你唔好得幾多囉。

send前度既相出黎

成日哋高登見到啲人up前度裸照出黎，真心覺得呢個舉動好嘔心。當初佢肯影係因為相信你既人格，估唔到依家一分手就出賣佢，咁佢以後仲點搵幸福呢？咁樣害人因住終害己呀。

點都好，分左手唔好諗返起以前喇，最好講之前諗清諗楚先，否則後悔就太遲。
_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________