愛情信箱56：同男朋友講分手後曖昧，但原來佢已經識左新女友 精選 推薦

問題：

我一直被前男朋友困擾住自己 同前男朋友一齊咗三年幾。佢轉咗校 成日都好忙 聯絡少咗溝通少咗。我以為自己唔愛佢喇 我提岀咗第一次分手 我個人講完分手之後好抑鬱 喊唔岀。佢當然有挽留啦 但我冇應成到因爲我以爲自己已經對佢冇感覺。點原來一講完就後就爆喊 發現自己原來好唔捨得。我即刻去佢屋企樓下揾佢 但傾完之後 佢話比時間佢亦比時間我自己。

嗰陣係2015年10月 之後既日子包括聖誕節倒數 我哋都一齊過 好曖昧 應該話只係一pair冇名既情侶。喺嗰段時間 我付出咗好多 做咗好多野去感動佢希望佢會叫我同翻佢一齊。但慢慢我發現佢好似開始唔比我睇佢電話收收埋埋 我懷疑佢同另一個女仔有野 佢死口唔應。
到佢生日嗰日 我安排咗好多節目同佢過 準備咗好多 拎佢部電話影相嗰陣 我見到嗰個我一直懷疑既女仔傳來訊息。我叫佢比我睇啊 佢唔比 後來我偷睇佢電話 發現原來個女仔同佢真係有好曖昧既對話。喺我揾佢佢話佢温緊書睇緊答案既時候 另一邊喺到秒回緊人。猜測一直無錯 我問佢你係咪已經同人一齊咗 係咪鐘意咗人 不如同我講 等我可以死心。佢話佢好攰 佢話想靜靜地讀書打吓波 無鐘意任何人亦唔打算拍拖。

我信我繼續信 到佢翻大陸我以為佢會唔理我 點知佢主動揾我仲一有時間就秒回 我好開心啊。但維持咗兩日 佢就online兩次先覆一次。我頂唔順亦唔想比佢再影響落去喇 我講咗分手。我兩日後 姐係2016.02.14情人節嗰日見到個女仔ig有👉🏽👫emoji。我打電話比佢問佢係咪拍拖喇 佢話唔係。佢話叫我唔好再諗 叫我當聽日係新既開始 到冷靜好個人再揾佢。
之後到宜家我都冇揾 但喺呢幾個月入面 佢不停follow unfollow我Snapchat instagram。佢到宜家既最新發展係delete contact就連最少用既facebook都unfriend埋 仲開過另一個ig同Snapchat 呢啲既轉變我反應唔切。我發現原來佢同個女仔喺2月13就已經一齊咗 姐係我講完分手嗰晚既另一日 原來嗰晚打比佢既電話所講既一切都係大話。

諗翻起佢話我好重要 即使有女朋友 我有事都會第一時間岀來。諗緊佢話好攰唔想拍拖 原來一切都係大話 。我好傷 我揾咗占卜揾過社工揾過朋友家人去傾 當然個個都叫我放棄 我都好清楚自己唔應該同佢一齊啊 但無奈自己一次又一次咁諗。我冇喺街到見過佢 只係見過佢女朋友 我見到之後個心好嬲好嬲 我明白唔關個女仔事 但見到自己既反應 我好清楚自己根本未放得低 好攰 我可以點做？揾翻佢？放低？根本乜都做唔到 教吓我😞____________________________________________________________________________________

回覆：

唉其實可能你同佢淡左嗰陣，佢已經識左呢個女仔。同埋你又唔係傻既，係佢太醒太奸，根本有心想瞞你。最後，佢個心已經唔喺你度，你再做咩都冇用。你仲有咁多朋友，同佢地一齊玩多啲，試下放低佢吧！我知道過程好難好辛苦，但你諗下，佢唔係當初你識既嗰個佢喇，佢變左，啲戲仲好好。