愛情信箱54：男朋友同EX有過性行為，我接受唔到 精選 推薦

問題：

我有愛情問題想你為我解答下😢

我岩岩同左個男仔一齊左 佢坦白話佢同以前女朋友係一個星期一次有性。但我唔知點解有d接受唔到 同唔開心。我想問 一段愛情係咪一定要有性 我成日覺得如果一段關係有性就會變得會為理所當然 無原本個種純愛
。點樣可以令性唔會影響到彼此相處同幾耐一次性先為止適當。
希望你為我解答😭
____________________________________________________________________________________
回覆：

我明你點解會接受唔到，因為一開始我都係好難接受，本身概念上冇呢樣野、又未接觸過，會有一定恐懼係正常，初初我覺得有性係好污濁添。不過唔使迫自己接受架，因為你同佢一齊耐左就會發現呢樣野已經唔重要，因為你愛佢個人，唔會再介意佢既過去。

同埋愛情唔一定要有性，不過性就好似調味品咁，你有左主菜已經好ok，但有調味品會更上一層樓。其實你依家唔使諗住既，到你真係想做，而又覺得大家可以負責任既時候就做啦，冇話要幾耐或者幾時先開始有性接觸。

如果你擔心性會令愛減弱，你就要努力唔好比性呢樣野變成主菜。假若你真係發現佢同你一齊只係掛住做，平時欠缺互動同溝通既話，到時你就要睇清楚佢係咪真心愛你個人定你既身體喇。