情侶點樣維持熱戀期？ 精選 推薦

我同男朋有冇試過冷淡期呢？當然有，佢有試過話我太煩太痴身，我夠有試過為左工作完全唔理佢啦。愛情上有高低起伏好 · 正 · 常，重點係你會唔會為左對方努力愛下去！可能有人會話：「咁咪好辛苦？為左拍拖做咁多野 值得咩？不如放手？」但其實真係冇話咩辛唔辛苦囉，你愛佢自然就會為左佢付出同改變！只要唔係做一啲自己唔中意既事，維持熱戀絕對唔係一件痛苦既行為呀。


適當鬧交係溝通良方

可能有啲女仔天生比較怕醜，或者怕男朋友聽完會唔中意，所以一直唔敢講自己既睇法。但係你地其實唔使驚架，如果因為你提出自己睇法佢就講分手，咁就算你忍到呢次 下次再嘈呢？又忍？一場交，一係睇清佢份人係點；一係改善你地關係，知道問題所在，間唔中鬧交對你地係正面架。

習慣任何時候都要諗起佢

喺街度見到啲得意既衫會買比佢，見到零食會諗起佢中意食，Facebook上面情侶插圖會tag佢....任何時候都要甜絲絲咁掛住對方，自然就會想對佢愈來愈好啦。
調整心態 要學識兩個人生活

好多人慣左一個人生活，唔識同其他人相處，會淨係諗自己，但拍左拖之後你人生多左個人，你要思考既野就要多一份。同埋你要反問自己有冇以下問題：你係咪所有事都過於遷就佢？你覺得對佢好，其實係咪真係好？你每次付出都要求有同等回報？想知答案就要同佢傾多啲偈，問清楚佢啦。

發脾氣之前試下企喺對方嗰邊

你會唔會成日都因為小事鬧佢？每次鬧完覺得後悔已太遲，因為你對佢已經造成傷害。既然唔想形成不能磨滅既傷痕，不如想鬧人之前大叫一聲，發洩下先，諗清諗楚想講咩再講啦。
_________________________________________________________________
如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/
_________________________________________________________________