愛情信箱48：分手後點樣同對方做返朋友？ 精選

問題：

Hi, 我有問題想請教你㗎，我有個女仔朋友同男朋友分開咗2個月，最近佢同個男仔有見過面，事後都有msg吓對方，女仔朋友只係同個男仔傾吓閒計，好似中秋節問佢去邊度玩，個男仔應完去邊之後，個女仔講笑再sd msg, 個男仔就已讀不回，以我所知佢哋之間只係因為價值觀、成長環境、個性差異，覺得相處唔到個男仔先提出分手，但個女仔一直覺得就算分咗手，但相處上的問題一直都無解決到，目前為止，女仔朋友仲鍾意個男仔，就連而家做番朋友都好難咁，個女仔朋友問我好唔好sd 段msg同個男仔講佢淨係想同個男仔做番朋友㗎姐，因為下次佢地再出黎玩唔想身邊D人覺得佢地尷尬。我唔知可以比咩意見我朋友，如果對佢哋依段關係好的話，係咪由朋友階段重新開始呢？____________________________________________________________________________________

回覆：

其實你就算教個女仔朋友用咩方法去同個男仔講都好，傷左就係傷左。有人接受到，有人接受唔到；有人可以做返朋友，有人永遠斷絕聯絡。你冇可能叫個男仔放低，因為放唔放，唔係佢自己咁容易控制到既事。

正如你最親既人有日touch wood遇上意外過身，離開左你，朋友叫你：「唔好唔開心啦，快啲回復狀態！」你聽完又係咪可以即刻接受到呢個事實，正正常常咁返工/返學？如果你話就算呢個情況你都可以正常返學，但唔代表其他人都一樣做到，佢地可能需要時間去令心情平復。所以，其實個男仔唔理你朋友都唔可以怪佢，亦冇資格去勸佢呀！難道被飛已經好傷，你朋友仲要強迫佢好似冇事發生過咁？