愛情信箱45：男朋友對我好好，但我冇心動既感覺 精選

問題：

我同男朋友都係一齊左兩個月 一開始對佢有好感但未算鐘意 但後尼因為ocamp因為所有人既推動 我地就一齊左。一開始一齊都幾開心 覺得有個人可以依靠 終於可以一嘗戀愛滋味(原本我係A0) 但係開始左半個月之後 我覺得我對佢感情開始淡 再冇個種衝動想搵佢 但係佢都一樣對我咁好，所以.. 我都未有意識自己有咁既感覺。

有時佢想錫我 我都唔知點好 可能一開始覺得尷尬 但之後慣左 就覺得自己好奇怪 因為我竟然冇個種所謂觸動既感覺 而我從來都唔會做主動... 但因為我第一次拍拖 所以個時我就同自己講：都係因為第一次 唔做主動都合理掛🙈
最近我地因為midterm好少見，我對佢都逐漸冷淡 想逃避佢。但係佢話想見我我都會出去 因為唔想佢唔開心... 之後佢逐漸意識到我對佢既冷淡 佢都開始唔理我 whatsapp我冇emoji 令我覺得好焦躁 而同時又覺得佢好小朋友。到最後我都係唔忍心 忍唔住去搵佢 大家先變返一開始咁🙈

之後我地都會傾下電話 去下煮飯仔 但係我都對都重係好似冇左一開始既感覺。但係我知人既感情係控制唔到 唔知點解我就係唔會無啦啦掛住佢 唔會發夢諗起佢 甚至覺得唔見一排都冇咩野。佢話聖誕節去左旅行見我唔到 我都冇嬲😢見住佢因為我既冷淡而發脾氣 我一邊會內疚自責 但一邊會覺得佢太小朋友 太依賴我.../.明明佢都係因為愛我先會咁做.....😞
如果你問我 佢同另一個女仔一齊左我會唔會唔開心 我會話我會心up住up住咁 會唔捨得.... 但我唔肯定咁樣係咪即係我對佢重係鐘意...

所以我好矛盾... 諗緊應該點處理尼段感情，我冇勇氣分手 因為驚hurt左佢 睇得出佢真係好鐘意我好為我著想 但我又唔想再呃自己。究竟我應該努力培養返同佢一開始既熱誠 畢竟我地剩係一齊左冇耐 定係... 同佢老實講 我真係好亂 希望身為局外人既你可以解答下我😭🙏🏻🙏🏻

最後多謝你咁有心機睇咁大篇文！要你睇晒真係超級唔好意思🙏🏻 我又講到1999咁😞
____________________________________________________________________________________

回覆：
我覺得你好矛盾bo，你明明唔捨得佢，點解又覺得自己唔中意佢呢？不如你試下接受佢，對佢好，睇下會唔會有心動既感覺先。或者你依家係因為唔習慣、未試過先咁抗拒呢？因為我第一次拍拖都係咁架，冇特別話掛住、心痛咁，單身太耐係會唔知點去愛人既。而且你依家唔係唔中意，甚至憎佢嘛，可以試下先既，否則我怕你地分左手你先後悔 (你知呢啲野成日都發生架啦)。如果你真係覺得大家唔夾、冇可能先講分手。