愛情信箱37：我剛分手但又中意左同樣剛分手既男仔 精選

問題：

你好，我剛與男朋友分手，原本打算暫時不再拍拖，好好讓自己沉澱一下。

碰巧，近來遇到一個想法一樣嘅男仔。好多方面好似都好夾。同佢相處好舒服。係傾偈嘅過程中，知道左對方一啲比較唔想同人講嘅事，一啲唔開心嘅事。我知道之後，好明白佢嘅感覺，好想自己可以令佢開心。

但好巧合地，對方都係剛剛同女朋友分手。都係原本無諗住咁快拍拖，比自己沈澱下。但又遇上了我。
更甚嘅係其實我地大家都未處理好上一段關係，好想知道應該點做，謝謝。

____________________________________________________________________________________

回覆：

我覺得你同佢做住朋友先，到左某個位你地可能覺得真係可以試下咁先開始。不過依家你未知佢對你既心意係點，所以都要持住觀望既態度，唔使急，如果佢都中意你就一定有機會一齊既。而呢段時間你可以搵佢去多啲特別既展覽同活動，你同佢都可以開心啲，例如呢排有個添布頓既展覽，黎緊聖誕喺唔同商場都有特別野，帶佢去影相、玩下咁幾好呀。