愛情信箱35：女朋友呀媽沒收電話接放學，迫我同佢分手 精選

問題：

你好～希望你能夠睇到以下既信息，同埋回應我既問題啦，感謝～

講少少背景先：我同我女友都係初戀，由5月開始拍拖，一直都好開心，佢今年中四，我就YEAR1。我地真係打算結婚，但9月頭佢啊媽發現我地拍拖，於是沒收佢電話，接埋佢番學放學，斷絕晒佢同外界既聯系，想我地分手。我透過佢個FRD偷偷地聯絡佢，一開始佢都好樂觀，話等到中學畢業再同我一齊，我亦都答應佢我願意等。但最近，佢開始冷淡.....
佢冇再係LUNCHTIME打比我，我寫信比佢佢冇回覆，打電話比佢佢就淨係應1-2句，仲CUT埋我線。我LUNCH去搵佢，佢就好似無視我咁同D FRD繼續行，我係好厚面皮咁跟上去先一齊食到...我已經覺得好攰....覺得自己好似死纏爛打咁，我問佢係咪唔想再同我一齊，佢又話唔係，但我真係唔明點解佢要咁對我，想放棄呢段感情咁，我淨係知佢好迷失。佢叫我要好好照顧自己，遇到個好既女仔就同佢發展，唔好為左等佢而放棄一段新感情。

係咪我比唔到安全感佢，佢先會咁諗？我而家真係唔知點算，應該唔再搵佢，大家冷靜一下先；定係KEEP住搵佢，挽留段感情？因為我好驚一唔搵佢佢就會放棄，感情你花時間睇我呢個問題～～感激～～____________________________________________________________________________________

回覆：

我覺得佢呀媽可能洗左佢腦，搞到佢覺得拍拖係一樣唔好既野，因為佢呀媽咁樣做實有係咁鬧佢、控制佢嗰啲。佢未必係唔中意你，因為佢冇直接講到話唔中意啦，而又多番避你，好有可能係呀媽真係管得佢好緊要，所以佢又覺得你同其他人一齊會開心啲之類。我覺得你要試下接觸佢朋友，請佢地食野打聽下係咩情況先得，否則我怕冇啦啦分手，原來佢都唔想既，咁就唔好啦。

之但係如果你地呢段時間完全冇溝通，佢對你態度又變差，講明唔中意你，咁就放手吧。