【劇透】愛情唔會因為距離而脆弱,人才會

紙情 兩性專欄 於 01/10/2016 發表 收藏文章
睇完《六弄咖啡館》特別有一番感受,因為戲如人生,一場場熟悉既情景播出黎,睇既時候都忍唔住代入角色,句句對白好似錄音機咁播返出黎比我聽。

心蕊 (顏卓靈飾演)同小綠 (董子健飾演)係中學同學,小綠一直都好中意心蕊,所以成日會靠兄弟呀智 (林柏宏飾演)去幫佢追女仔。最後心蕊發現自己都愛上小綠,佢地好幸福咁開展一場初戀,但呢個故事仲未完......好可惜佢地上左唔同大學,要分開兩個環境,遠距離咁拍拖。


小綠每次都好努力咁打工,希望可以賺夠錢去搵心蕊見一面;而心蕊每次只係提起自己既工作、理想。其實小綠心裡面想喺僅餘既見面時間裡面,珍惜兩個人一齊既簡單時光.....

「你覺唔覺自己變左好多?」小綠終於講出口。


心蕊好激動咁答「唔係我變左呀,而係你..好似一直喺度原地踏步。」




原來佢地既步伐已經唔一樣,女仔走太快,男仔開始覺得吃力。不過小綠既諗法冇錯架,因為拍拖當然想開開心心,冇人想嚴肅;心蕊都冇錯,人人都想盡全力追逐夢想。而最後結局係最後心蕊決定要分手。

喺香港如果兩個人工作環境唔同,一樣好易產生磨擦。你唔肯就佢,佢唔肯就你,結果就會變成小綠同心蕊一樣想放棄。雖然呢個情境同我既經歷真係好似,但係要知道步伐唔同唔緊要,[b]只要你仲愛佢,為左對方的確要就
!慢慢大家既步伐差唔多,感情先唔會因為距離而破裂。
_________________________________________________________________

如果中意我既文可以去我Instagram :lovestoryhk

_________________________________________________________________

留言


請按此登錄後留言。未成為會員? 立即註冊
    快捷鍵:←
    快捷鍵:→