激嬲女朋友點算好？ 精選 推薦

呢度唔係真係話做錯事或者有問題發生，而係女朋友心情唔好發脾氣既時候，男朋友們可以用以下方法解決！不過方法唔係人人啱用既，作為參考就得。



女朋友嬲嬲豬情況一

當女朋友大姨媽黎嗰陣心情特別煩躁 (唔係用呢樣野去做藉口定擋箭牌啦)，但係每個月都有一個禮拜又痛又失血，其實人會忟忟地係情有可原既。

女朋友嬲嬲豬情況二

女仔好容易因為某啲事就會觸動神經，好似係你前度既野/你重複做錯既事。呢個時候可能會扭計之類，只要唔係真嬲，事情都有解決既方法。

解決方法
你可以選擇扮小朋友，比佢更lur，用得意既聲叫佢唔好嬲嬲豬，仲要攬實對方，並且用可憐既眼神望住佢......通常lur多一陣都自然冇事架喇。另外你亦可以用搞笑既身體語言氹佢笑，例如突然間不停錫佢或者用啲大動作、擺下雙手、搣佢塊面，呢啲行為都會令佢忍唔住笑，幫大家關係緩和！

當然，當女朋友好嬲、完全唔理你，代表件事都幾嚴重.....以上既方法唔得既話，都係認真傾傾吧。
_________________________________________________________________

如果中意我既文可以去我Instagram ：lovestoryhk

_________________________________________________________________