問題：
個故事是咁的：我F.1既時候成績好差仲係運動白痴，基本上同廢柴無分別。所以我無乜朋友，特別係女性朋友。就係咁我上網識左個女仔。個女仔係一個由小學，中學都係讀女校既女仔，我同佢開頭都係msn普通吹水，傾下學校，屋企咁。F.2就開始傾電話。
就係咁，吹到去F.3，愈吹愈熟，佢知道左我係廢柴，就話要教我讀書，但條件係要我答佢d變態問題，等價交換（果時做緊鋼之練金術師）。仲有我每次測驗考試，佢都會恐嚇我，如果低分既話就以後唔打俾我，然後我成績慢慢好左。
同一時間咁岩我班主任係田徑隊教練，所以我班主任半逼我去練跑。佢就鼓勵我試下做運動，話只要我唔跑包尾就正明到自己唔係廢柴，運動好既男仔會有女仔中意，以後唔洗晚晚同佢傾電話。於是我就去左練跑，只不過我完全無諗過入到校隊，但後來我又真係符碌入左校隊，佢仲成為我第一個粉絲，次次我比賽都會幫我打氣，慢慢我由全校最廢變到全校跑得最快既人之一。
之後我同佢傾計都係佢教我讀書，我答佢變態問題，只不過開始晚晚傾心事。然後我會考，佢又日日幫我打氣，又幫我問人拎貼士。後來會考完左。關係忽然好瞹眛，因為佢教我讀書，我答佢變態問題既關係一下子完左，然後大家都開始發現對大家有意思，最後一齊左。
咁我會考好好彩夠分升到F.6，F.6果段時間可以話係我人生既一個小高峰，係我最開心既時間，係預科果段時間入面，我升左做校隊隊長，而且係老師眼裡面我可以話係文武雙全既學生，人生除左個女仔之外，第1次得到其他人認同，只不過呢野對我已經唔再重要，由運動白痴到校隊隊長，由讀書好差到升到中6都係因為佢，係果一刻我在乎既只有佢......
咁我同佢都係keep住晚晚傾電話談下情，佢教我讀書，我答佢d愈黎愈變態既變態問題。慢慢F.6生涯完左，開始放暑假，我發現自己未見過佢個實體，未同佢出過街。我開始約佢，用左n個方法都約佢唔到，然後問哂所有同學朋友，用埋佢地d方法都約唔到佢，但係我始終都未見過佢真人未同佢去過街，我開始疑慮佢玩我。
時間又過左年幾，到F.7果時，始終都約唔到佢，所以我就更加開始懷疑佢係玩我唔係中意我，只係為左我答佢d變態野先同我一齊，慢慢我對佢冷淡，唔聽佢電話。而佢慢慢覺得我唔理佢，開始無feel，飛左我，仲叫我升到大學先好搵佢，而且仲block哂我既wechat ,whatsapp facebook。
中學之後，佢去左恒管讀新聞系degree，而我就係另一間u讀asso，只不過我都好似無忘記過佢，因為由中學開始佢一直咁鼓勵我，而佢既鼓勵一直都係我既動力來源，而且我幾乎日日都會諗起佢....
時間又過左2年，我終於升到degree既 yr3，佢又咁岩畢業，我就覺得今次應該係最後一次機會，見唔到佢就可能一世都無機會見佢，終身遺憾。咁岩恒管又有photo day，我就去左搵佢，仲買左隻畢業公仔送俾佢。果日我搵左幾粒鐘，終於俾我搵到佢，果一刻我好滾動，然後送公仔俾佢，只不過佢收果時都好冷淡，唔想理我咁，好快走左....
2個星期之後，我覺得已經無機會追返佢，準備放棄既時候，佢就解封我whatsapp仲whatsapp我，叫我玩一隻online game。我就開始玩呢隻online game，只不過當我開始玩game既時候，隻game裡面，原來有好多男仔帶佢解任升lv，佢仲晚晚同佢地傾電話，個個星期約出街玩。而我就一個人自閉玩隻online game,佢完全無同我一齊玩過.....
我想問下一步可以點做，要點先追到佢。
_______________________________________________________________________________________
回覆：
我覺得佢係對你有好感既，唔係都唔係講得出曖昧既說話，又支持左你咁耐，但係點解當你話要見面既時候佢就淆呢？因為佢可能冇諗過要同你真係拍拖，佢只係享受曖昧呢種感覺，甚至..佢已經有一個正印男朋友。或者有人會話，個女仔屋企人唔比都得架！問題係，如果佢屋企人發現左而唔比佢同你傾偈，咁點解佢又會同其他男仔傾呢？當然我睇完你地既故事係感動既，不過個女仔係咁避你，我諗已經冇咩feel。
個故事是咁的：我F.1既時候成績好差仲係運動白痴，基本上同廢柴無分別。所以我無乜朋友，特別係女性朋友。就係咁我上網識左個女仔。個女仔係一個由小學，中學都係讀女校既女仔，我同佢開頭都係msn普通吹水，傾下學校，屋企咁。F.2就開始傾電話。
就係咁，吹到去F.3，愈吹愈熟，佢知道左我係廢柴，就話要教我讀書，但條件係要我答佢d變態問題，等價交換（果時做緊鋼之練金術師）。仲有我每次測驗考試，佢都會恐嚇我，如果低分既話就以後唔打俾我，然後我成績慢慢好左。
同一時間咁岩我班主任係田徑隊教練，所以我班主任半逼我去練跑。佢就鼓勵我試下做運動，話只要我唔跑包尾就正明到自己唔係廢柴，運動好既男仔會有女仔中意，以後唔洗晚晚同佢傾電話。於是我就去左練跑，只不過我完全無諗過入到校隊，但後來我又真係符碌入左校隊，佢仲成為我第一個粉絲，次次我比賽都會幫我打氣，慢慢我由全校最廢變到全校跑得最快既人之一。
之後我同佢傾計都係佢教我讀書，我答佢變態問題，只不過開始晚晚傾心事。然後我會考，佢又日日幫我打氣，又幫我問人拎貼士。後來會考完左。關係忽然好瞹眛，因為佢教我讀書，我答佢變態問題既關係一下子完左，然後大家都開始發現對大家有意思，最後一齊左。
咁我會考好好彩夠分升到F.6，F.6果段時間可以話係我人生既一個小高峰，係我最開心既時間，係預科果段時間入面，我升左做校隊隊長，而且係老師眼裡面我可以話係文武雙全既學生，人生除左個女仔之外，第1次得到其他人認同，只不過呢野對我已經唔再重要，由運動白痴到校隊隊長，由讀書好差到升到中6都係因為佢，係果一刻我在乎既只有佢......
咁我同佢都係keep住晚晚傾電話談下情，佢教我讀書，我答佢d愈黎愈變態既變態問題。慢慢F.6生涯完左，開始放暑假，我發現自己未見過佢個實體，未同佢出過街。我開始約佢，用左n個方法都約佢唔到，然後問哂所有同學朋友，用埋佢地d方法都約唔到佢，但係我始終都未見過佢真人未同佢去過街，我開始疑慮佢玩我。
時間又過左年幾，到F.7果時，始終都約唔到佢，所以我就更加開始懷疑佢係玩我唔係中意我，只係為左我答佢d變態野先同我一齊，慢慢我對佢冷淡，唔聽佢電話。而佢慢慢覺得我唔理佢，開始無feel，飛左我，仲叫我升到大學先好搵佢，而且仲block哂我既wechat ,whatsapp facebook。
中學之後，佢去左恒管讀新聞系degree，而我就係另一間u讀asso，只不過我都好似無忘記過佢，因為由中學開始佢一直咁鼓勵我，而佢既鼓勵一直都係我既動力來源，而且我幾乎日日都會諗起佢....
時間又過左2年，我終於升到degree既 yr3，佢又咁岩畢業，我就覺得今次應該係最後一次機會，見唔到佢就可能一世都無機會見佢，終身遺憾。咁岩恒管又有photo day，我就去左搵佢，仲買左隻畢業公仔送俾佢。果日我搵左幾粒鐘，終於俾我搵到佢，果一刻我好滾動，然後送公仔俾佢，只不過佢收果時都好冷淡，唔想理我咁，好快走左....
2個星期之後，我覺得已經無機會追返佢，準備放棄既時候，佢就解封我whatsapp仲whatsapp我，叫我玩一隻online game。我就開始玩呢隻online game，只不過當我開始玩game既時候，隻game裡面，原來有好多男仔帶佢解任升lv，佢仲晚晚同佢地傾電話，個個星期約出街玩。而我就一個人自閉玩隻online game,佢完全無同我一齊玩過.....
我想問下一步可以點做，要點先追到佢。
_______________________________________________________________________________________
回覆：
我覺得佢係對你有好感既，唔係都唔係講得出曖昧既說話，又支持左你咁耐，但係點解當你話要見面既時候佢就淆呢？因為佢可能冇諗過要同你真係拍拖，佢只係享受曖昧呢種感覺，甚至..佢已經有一個正印男朋友。或者有人會話，個女仔屋企人唔比都得架！問題係，如果佢屋企人發現左而唔比佢同你傾偈，咁點解佢又會同其他男仔傾呢？當然我睇完你地既故事係感動既，不過個女仔係咁避你，我諗已經冇咩feel。
請按此登錄後留言。未成為會員? 立即註冊