愛情信箱15：男朋友完全唔覆wtsapp 精選

問題：

Hello,我叫滴滴，我係一個女仔有男友。但係最近我開始諗，究竟我係咪佢女朋友，因為佢wts對我真係好冷淡，有時同佢講嘢問佢嘢佢已讀完我就算。岩岩開始一齊嘅時候唔會，但係慢慢就越嚟越咁，有時仲唔睇添，問過佢，佢話唔太鐘意wts傾，但係同我出街果陣佢朋友一搵佢佢就即回，我就諗咁姐係咩意思…

同我wts果陣佢就勁冷淡，但係見面果陣佢就好似變咗第二個人咁，我真係唔知佢想點，仲有好多問題，但係我又驚麻煩到你，所以講住咁多先，我真係唔明，唔知你可唔可解答下我呢
______________________________________________________________________________________

回覆：

我覺得有兩個可能性既，一係佢真心唔中意用wtsapp，佢知你會體諒佢所以唔覆，同朋友傾偈唔覆就會比人省。二係佢喺屋企成日打機，所以唔得閒覆你，如果係呢個原因，咁佢當然仲愛你啦，咁先解釋到出到黎對你好熱情既情況。總之佢唔似係對你淡左，否則佢唔中意你既話，同你出街都交唔到咁耐戲。不過你要認真同佢講講呢個問題，如果佢wtsapp唔覆你或者可以轉做傾電話吖！甚至下次出到街你唔好應佢，返到屋企先同佢傾偈，等佢習慣用電話。