7點了解男人既內心 精選

男人成日投訴話唔了解女人，但其實女人又有冇試過了解男人呢？以下7點係科學家對男性既研究結果，睇完可能對你另一半既了解會加深左架！


最驚孤獨

科學家發現年紀愈大既男人最驚自己一個，因為孤獨嗰陣男人唔會主動搵人傾，結果令到自己既孤獨感更大。如果你覺得對方呢排好似唔開心，不妨主動關心同呵護佢啦。

注重解決問題

男性大腦有一塊「迅速修復」區域，當人地遇到問題，呢個區域就會即刻活躍起黎，令到佢地積極幫人地諗解決辦法。但注意，係人地既問題唔係自己問題。

天生中意睇靚女
男性血液既睪丸酮水平係女性六倍，所以佢地係自動導航咁睇，由此可見中意睇女係天生既。加上一旦靚女離開佢地既視野範圍，佢地多數會忘記得一乾二淨架喇。


會努力保護中意既野

喺人類進化過程中雄性比雌性既捍衛能力強，雖然女人同男人一樣都有佔有欲，但當男人既愛情生活或者勢力範圍受到威脅，佢地會偏向用暴力阻止其他人既入侵。
中意紀律性

當男人身處係唔穩定既組織當中會覺得非常不安，但係喺類似軍隊或者其他嚴肅既環境就可以減低男性睪丸酮水平，減少攻擊行為。

愈大愈想合作

男人喺年輕嗰陣需要競爭先得到地位同另一半，可能因為咁，你男朋友都未有合作既概念，但當佢地年紀愈大、睪丸酮分泌少左，令到男人成熟後更加注重親密關係，希望同伴侶利用合作黎維持感情。

渴望結婚

傳統觀念認為女人嚮往安定生活，而男人就係冇腳既雀仔，但係科學家發現忠誠度可能由基因決定。因為大約60%既男人都希望成家立室，特別係30歲之後會將精力放係家庭上面。如果男方未諗結婚可能係因為家庭既基因問題，或者佢太細個真係未諗咁長遠吧。

總括黎講男人好多野都係天生同基因所影響，另外年紀愈大既男人就會愈成熟、諗野愈全面，所以你地有時怪男朋友之前一定要考慮埋天性同年齡呢兩點呀。
_________________________________________________________________

如果中意我既文可以去我Instagram ：lovestoryhk
_________________________________________________________________