愛情信箱09：比男朋友發現自己同前度聯絡 精選 推薦

問題：

我好需要你地，我同男朋友拍左拖1年7個月，係拍拖第7個月男朋友發現我同前度有聯絡 ，佢好嬲話要分手....我承認我果時做錯了，但我毫無想回到前度身邊，我好愛依個男朋友，但佢就開始唔相信我，而我都變到好怕從高跌下的感覺 。

其實我地一直都相當無事，我盡量比安全感佢令佢知我唔會離開佢，日子一日一日甘過，我知道信任唔係一朝一夕可以建立，更何況係重建。我視佢為我一生人的目標，唔奢求佢一朝一夕原諒我，只係想有日佢會同我講無事。佢準備入消防班了，今個星期我覺得佢態度改變左，我地話題又少左， 好似重回一年前的狀態.....我問佢：「你仲愛我嗎？」，佢話愛我，但我心入面就係害怕，我明白拍拖結婚無保證期、365日裡面總有唔好的日子。我好擔心有日佢都發現原諒唔到我 、會走。
我更想同佢講：「其實我一直都只愛佢一個，如果重頭我諗我會更懂得如何愛佢。」

最後我知無人可以幫到我，但我個心真係好痛，希望佢順利出班。

我想同佢講：「假如有日分手我會等佢，別人看的不智行為，但為值得的人等，錯嗎？」

_________________________________________________________________________________

回覆：

你當時同前度講左乜野？其實對於普通人黎講唔係啲咩大事，不過首先你男朋友係咪小器或者容易呷醋既人？如果係，佢可能仲會介懷。但事實係件事已經過左一年，要淡既話應該一早淡左，反而我覺得係咪有其他野搞到你地冇咁sweet？係咪因為唔想入班離別嗰陣咁傷心，所以先至特登淡左？

點都好，佢入班之後應該會好寂寞，始終周圍都係得男人，又多訓練少娛樂。嗰陣如果你不離不棄，定期寄你寫既卡同埋手寫信比佢，佢會感受到你對佢既感情架！