千祈唔好覺得襯唔起對方 精選

可能有人會覺得伴侶咁好條件，我點襯得起佢？不如早啲離開佢，等佢可以搵過個更好既人啦！但係事實上 對方有冇嫌棄過你？唔係人地睇你唔起，而係你自己睇唔起自己。佢揀得你就姐係你有一定既吸引力，如果你自以為離開先係最好選擇，只能夠講句「活該」。因為你咩都收埋係心裡面，佢點幫到你呢？佢又點知你諗緊咩呢？


其實你有心事咪大膽同對方講，而唔係自己一個諗多左、做傻事，可能最後發現你真係諗太多架！人地根本冇諗過襯唔襯呢回事。兩個人真心相愛已經足夠吧，你覺得佢會容忍到你為左啲小事唔開心咩？

如果真係覺得自己同佢差太遠，第一件事絕對唔係諗分手，反而係諗下你有咩地方可以改進。成續差？睇下有咩讀書以外既專業發掘到。人工低？賺多幾份外快，或者搵其他更賺錢既工做。樣唔夠好？去整理頭髮、學化妝等等。我一向討厭人自我放棄，既然你覺得做得未夠好，不如努力求進啦！有時安全感唔一定係另一半比你，當你條件好、自信心高已經有足夠安全感。
_________________________________________________________________

如果中意我既文可以去我Instagram ：lovestoryhk

_________________________________________________________________