愛情信箱01：睇住女朋友比綠帽我戴 精選

問題：

我同我女朋友其實大大話話都拍左三年拖，一直係我眼中都係好sweet好sweet，我好愛佢，都當佢係我既終身伴侶。但係最近兩三個月，硬係覺得佢怪怪地，點怪又講唔出，不過三年一齊既經歷令我覺得佢有少少唔同，所以想講比你知。

就係早兩個星期，我有個朋友無啦啦打比我同我講話啱啱好似見到我女朋友同一個男仔食飯，仲好親密。 我即刻好嬲，大大力屌我個朋友 :咩好似啊屌你，唔好亂講！ 我個朋友仲好認真叫我小心d，咁我就叫佢唔好再講啦我唔信。到左前日，我本身就約左佢去銅鑼灣，之後我坐車坐到大圍左右佢打個電話黎話突然有親戚黎左唔出得黎，咁好啦，我就諗反正出到黎就去下旺角打個轉，我就係食緊燒賣既時候我見到我女朋友係對面唐樓到出黎，好多酒店嗰啲。。。旁邊仲有個男仔拖住佢。
個下我真係痴左線，我自己個心好清楚發生左咩事。我手都震埋，又唔敢打比佢，就whatsapp佢問

我:係邊啊你？
佢:屋企lo,啲親戚好多好煩，睇黎今晚都出唔到黎😂
我當下真係忍唔住 啲眼淚水狂飆出黎。
我就再打多個whatsapp
我: 咁你旁邊個男仔係邊個？
佢: 下？ 你係邊？

我真係個心痛到唔知覆佢咩 就傻傻下行到附近一個m記坐左係到 之後佢就打過黎，但係我真係唔想聽到任何野。一次 兩次 三次，我已經唔記得左佢打左幾多次過黎。
我就一直呆住望住堆薯條坐左好多個鐘頭。到我望番個電話，有一大堆未接來電同whatsapp，我禁左出黎睇到一大堆解釋，我拉拉拉，將個whatsapp拉到最低見到:對唔住..係我錯.係我一時錯覺.. 個下一切都明白，我好想佢答我個男仔係親戚，我好想佢答我其實個女仔唔係佢。。
哦，原來係帶綠帽。。原來係帶綠帽。。。
我番到屋企之後 望住天花板好耐，係到諗我同佢之間既回憶。。 就係今日我決定同佢分手，我係whatsapp打左堆字比佢之後，我就一直坐到兒家，我真係好痛，痛到個心口好辛苦，我唔想同朋友講。。

_____________________________________________________________________________________

回覆：
其實佢真係好過份，你決定同佢分手係啱架！由佢同嗰個人一齊，睇佢地可以一齊得幾耐。不過你要多啲約朋友出黎，打機又好乜都好，做啲可以放鬆心情既事(當然唔好做傻事啦)。同埋另一個角度睇，你同佢一齊嗰陣，佢有冇啲咩係唔比你做架？如果佢唔比你去酒吧，依家終於都可以去放鬆一下喇！