機會係留比有準備既人

紙情 兩性專欄 於 29/07/2016 發表 收藏文章
機會係留比有準備既人,當你準備好 但臨門一腳太驚唔敢再行前既話,就會睇住機會白白地流走。因為機會係唔會等人,只有即刻捉住先能夠把握呢個機會。

例如有人約你出街想食飯或者睇戲,但係你覺得做人應該要保守啲,認為拒絕左就一定會有下次,於是今次就拒絕人地‥‥但事實上呢個世代唔係人人咁有耐性,好多港男比人拒絕左一次就會立即收皮。所以如果你對對方有興趣就應該爽快地答應,直接了當既態度先得人中意。


有時曖昧到最尾段,大家都好清楚大家既心意,但唔少人會因為怕醜而唔敢應承對方,亦都唔敢主動提出一齊,結果對方可能唔會再為你等落去,寧願花時間搵另一個珍惜佢既人。其實你扮得矜持就會浪費大量時間,不如諗下值唔值得為左面子而保守矜持啦!

講到尾,如果被人追求就千祈唔好拖拖拉拉。冇興趣就要say no,有興趣就要去馬喇,否則最後會變成折磨人同好黑人憎。

_________________________________________________________________

如果中意我既文可以去我Instagram :lovestoryhk

_________________________________________________________________

留言


請按此登錄後留言。未成為會員? 立即註冊
    快捷鍵:←
    快捷鍵:→