男人最怕戴綠帽,我女朋友最近有啲怪...

紙情 兩性專欄 於 21/09/2018 發表 收藏文章
我同女朋友拍左拖七年,雖然事業未穩定,未夠錢結婚,不過一直以黎我同佢感情好好,冇野呃大家,連性生活都好滿足。但最近呢個半月,夜晚問佢想唔想做,佢都會用唔同藉口推搪...做野太忙好攰、明星要退隱唔開心等等,日日有千奇百怪既理由。聽人講拍拖七年唔結婚就會分手,因為大家由激情變感情,就好似香薰咁由濃變淡,我開始擔心我地係咪已經進入冷淡期,好快要分手。我有問過女朋友究竟係咪唔中意我,佢好堅定咁話唔係,之後又支吾以對、吞吞吐吐。

我又喺度諗,我同佢一齊左咁耐,就算鬧交都好快好返,一年去幾次旅行,行街見到有咩啱仲會即興買比對方,照計應該冇問題發生過?唔通係有人從中作梗...?我咁懷疑係有跡可尋,因為依家同佢出街拍拖,每當我行入鋪頭睇野,我都偷睇到佢鬼鬼祟祟咁撳電話,我問佢睇緊咩,佢好快咁收起電話話冇野。食飯去廁所佢都要帶埋去,好似好驚比我睇到電話內容咁,連放喺枱上面仲要調轉背面。好怪,成件事好怪,我上討論區問啲網民,佢地一人一句笑我做左男人最痛──戴綠帽。


我唔敢諗,亦唔想去諗,不過內心依然好想搵答案話比我聽識左七年既女朋友唔係啲咁既人。最後我趁女朋友返工,偷偷地搵佢啲野,終於比我搵到一個新買既盒。我戰戰兢兢咁打開,好怕搵到唔應該搵到既野,結果發現支未打開既驗孕棒。我當下好迷茫,明明有戴套,點解佢會驗?咁我咪姐係要做人爸爸?由疑似戴綠帽變左做爸爸,呢個轉變太大,我未準備好喎!!!

「喂呀b...你係咪有咗呀?」我忍唔住問佢。
「......」
「你講啦」我繼續問。
「我唔知呀 遲咗成個星期啦...我真係未想做人呀媽住呀!我...我好驚,我唔敢同任何人講,特別係你。我地連結婚都冇錢,點有400萬去養一個bb呀!?」女朋友答。
「唔好驚住,我喺度呀嘛,你不如check左先?」


我講就好似好冷靜,平時我多數都有用安全套,只係偶爾無用,外射同計安全期,甚至會衝紅燈,都計足晒啦,無理由會出事㗎;另一方面我好內疚咁樣錯怪佢,我自以為我係負責既男人,原來個個月攪到女朋友擔驚受怕自己都唔知,原來佢又咁無安全感。好彩佢返黎驗左冇事,但係呢次經歷足以令我同佢膽戰心驚。於是我同佢開始上網搵下穩陣啲避孕既方法,有咩方法可以最安全、令經期變準唔使擔驚受怕。女朋友提議過話想試下食避孕丸,但我睇啲網上留言,又話會攪到不育同生畸胎。

最近見到世界避孕有條沙律教避孕既片,先知到我原來咁無知,好多以為啱既避孕知識都錯,之前仲亂咁反對女朋友食避孕丸。原來食避孕丸係唔會不育,有啲藥仲可以舒緩婦科問題。又其實避孕套實際得8成成功率,因為唔係次次用得啱,有無全程用,又未必用得啱Size,我從來都無諗過避孕原來係兩個人嘅事,其實佢成日擔心遲黎m,睇完條片,坐低兩個人傾下,一齊了解唔同既避孕方法,再傾下點避孕唔使咁驚,最後我哋仲一齊約咗婦科醫生了解下避孕丸添。

▼沙律講得好清楚,就係呢條片我安心左好多

loading


如果你地想知道更多關於避孕既正確資訊,可以到http://www.your-life.hk/zh/contraception-methods/#methods%7C,唔好好似我咁,就出事先去了解呀。

留言


請按此登錄後留言。未成為會員? 立即註冊
    快捷鍵:←
    快捷鍵:→