愛情信箱98：因為男朋友flirt第二個而分手，佢竟然冇搵我、更加冇改到 精選

問題：

岩岩分左手快兩星期，我地一齊左兩年半一直都幾開心。
分手係因為我覺得佢年半開始就唔關心我、太幼稚、好多野唔上心，嗌完交佢話會改但永遠都會重複犯錯 ，有時仲會同其他女仔講啲flirt flirt地既說話。分手前夕仲成日同個女仔一齊食飯，我有表明過唔鐘意，但佢就話佢唔知我唔鍾意。六月頭我地去左一轉旅行，我以為會因而變翻好，但都係冇好過，有嗌過交都係因為個女仔。咁我當佢今次一定知我唔鐘意個女仔，但我講分手個晚仲見到佢仲有同個女仔傾計，follow對方既private ig ac，即係乜都會post個啲ac。然後一連串諗起佢既唔成熟，唔關心，唔上心，不斷話會改倒頭來都係傷你心，太依賴我，之後就講左分手。
分左手之後佢都冇再搵過我，雖然講分手個個係我，但我喊左一個星期左右就冇事了，但佢睇落乜事都冇，直到琴日從朋友口中得知佢依家先開始頹開始會諗點解。我係個一星期入面，好犯賤咁諗佢會唔會再哄翻我 搵我，但都係冇，即使佢係我屋企附近食飯都冇。。個個星期好傻不斷為佢諗藉口呃自己，例如佢唔搵我因爲佢忙，佢唔開心緊etc。後來發現就算我喊到點，佢都唔會改、唔會搵我，所以我依家都算係企翻起身。
其實到依家，見到佢唔開心咁，但佢又唔會搵我，其實我應該放手忘記，定留住個心好。。。？
佢唔關心我例如佢知有人追我，佢唔會理、唔會講啲乜，又或者知我唔開心，佢只係敷衍講一兩句就算個d。。。____________________________________________________________________________________

回覆：

算吧啦，朋友唔係男就係女冇錯，但佢既然去到flirt呢個地步，我相信佢已經唔係朋友咁簡單。認真我當佢一開始真係唔知你唔中意個女仔，又好「天真地」唔知自己flirt緊人，之後知道左應該要收手啦。佢最後都係唔收手，同你分手又冇乜野，可想而知佢個心一早冇你，中意你有限。我相信唔使好耐佢就會識第二個拍拖，所以佢冇主動搵你，你就唔使浪費心機想同佢一齊返喇....無須咁犯賤。依家開始你放返注意力喺追你既人身上，睇下有冇機會發展仲好。