愛情信箱67：同一齊8年既女朋友今年結婚，但佢突然想分手 精選 推薦

問題：

我有感情問題想請你幫幫忙

我同我女友拍左拖第8個年頭,係第三年我就同佢求左婚,諗住17年就結婚,係上個月頭都十分恩愛,仲計劃4月去旅行。但就係係佢去完旅行返黎,公司食聖誕節飯局之後,佢就突然話想自己一個人冷靜,佢鐘意左個同事幾個月,仲出過幾次街。我迫得佢好緊,好大壓力,想自己一個人諗清楚,唔好迫佢。

之後係依一個月我都有SEND野俾佢,佢時冷時熱,一時自己一D小事都同我講,一時就話我煩住佢,但係佢連FD既我同佢既已定婚關係都無改到,又無話要去佢屋企清返我既物品,只係話唔想處理感情住。佢又會無啦啦話自己無同其他人出街,一放假就係屋企,想自由自在,要做老姑婆。
我係返輪班的,佢就返5天半,我通常放假都會就到佢一齊放,我一放假就一定會陪佢,全心全意咁對佢,我仲未接受到星期頭就開開心心一齊,幾日後就可以咁決絕。

我想問我其實仲有冇機會追返佢??
佢咁樣一時好、一時唔好係想點呢??
佢係真係煩緊點做好,仲想留機會俾我,定只係想用時間黎大家好過D呢??
謝謝,萬分感激 !!!
____________________________________________________________________________________

回覆：
你又會咁快求婚既？BTW就算佢一時話想留喺屋企，一時又同人出街都好，對另一個人有好感呢個應該係事實黎。話曬你地一齊左8年，人地話7年之癢都唔係冇根據，可能佢真係覺得大家好平淡冇激情，所以想諗清楚同唔同你結婚 (算係婚前恐懼症一種)。不如你試下好似啱啱識佢嗰陣追佢一次，用啲好冧既招式睇下佢受唔受。同埋你可以轉下形象，個look再專業同執正啲既，希望佢可以再搵返心動嗰個感覺啦。