愛情信箱66:女朋友信基督教,佢接受唔到我同EX搞過

紙情 兩性專欄 於 01/02/2017 發表 收藏文章
問題:

我有戀愛嘅問題想你地幫手解答呀。

十二月果陣我同我個ex復合返,初頭都冇乜野幾sweet咁,去到前三日我地突然傾起一個同我之前有發生過性行為嘅ex。女朋友知道我之前好憎果個ex,但我都搵返佢純粹比性充昏頭腦,去滿足自己私慾。但原來條ex係出面仲未同佢條仔散,所以同個ex斬欖。女朋友係有基督教信仰,亦都一早知佢唔會同我有性行為(將來唔知會唔會)。但佢就係一直驚如果一齊耐左之後,佢滿足唔到我,而我到時又有需要果陣會暪住佢出去搵SP解決,又成日覺得我會搵返個ex。

佢話佢本身係好容易冇安全感,一比佢知返我條ex啲野就突然好激動。
究竟點先可以令佢相信我?
____________________________________________________________________________________
回覆:

佢接受唔到其實都好正常,你都識講佢係信主架嘛,佢未接觸過一定覺得你好污糟。你唔好再同EX有關係喇,唔好再搵佢或者睇佢野,收埋佢啲野,等你女朋友可以安心啲。

同埋你要比多啲安全感佢,主動關心佢既日常生活。如果你有野收收埋埋,或者平時性格被動又冷淡,先會令對方懷疑你係咪偷食或者已經淡左。另外你要多啲拖手、擁抱同讚賞,話比對方知:我仲好愛你。當然你唔可以一邊拖佢手,一邊又不停講另一個同你好好既異性啦,因為任何人都會有妒忌心架嘛。


如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→