愛情信箱58：中意我2年既人依家追第二個，但我已經愛上佢... 精選 推薦

問題：

佢同我喺中一同班識 開學冇耐好多fd同我講佢中意我。之後我唔信 但呢啲信息越收越多 佢會叫啲男仔唔好蝦我 又將自己既野寫我個名。個陣傳到差唔多全班都知 喺情人節個日佢同我表白送埋野俾我。因為我同佢根本冇乜點接觸 我唔覺得佢真係中意我 所以我拒絕 左之後佢就話係講笑。

到form2都係冇乜接觸 但有次佢去旅行問我要咩 我就話唔洗 佢話好 轉個頭買左成袋野俾我。到但喺我生日佢都有送野俾我 個下我勁內疚。因爲我幾年就算坐好近 都唔多同佢講野連望佢都唔夠膽 佢成日送野搞到我勁唔好意思。
form3唔同班就零接觸 唔知由幾時開始我就中意佢 會好留意佢連發夢都夢到佢 次次見親佢同女仔挽我都好唔開心。因為有科同科 我地傾返計。有次佢wts挽我咁 話中意我 講左好多好sweet既野 我真係好開心。之前佢生日我打左半個鐘文 等到12同佢講佢只係淡淡咁話多。 但我fd只係話hb佢覆既係多謝加心心 後尾俾我知埋佢對我FDA有好感。然後我FDA 明知我中意佢 都同我講佢點點中意個男仔。 雖然我FDA中意邊個係佢權利 但佢係咁講我個心好痛。佢個人好中意溝女 連我FDB講笑咁話佢靚仔 佢就係咁撩我FDB。其實我係咪真係中意佢 點樣先可以唔洗成日望佢 因為佢而唔開心。
____________________________________________________________________________________
回覆：

唉嗰陣人地中意你又唔要，依家先話中意其實太遲。有時過左個時機就補救唔返架喇，況且你都控制唔到呀佢中意返你既，係咪？同埋其實佢都中意左你2年，你2年都冇咩反應自然放棄吧，之後轉追FDA同FDB都好正常。我覺得你試下倒追返佢 (唔知你想唔想)，用佢用過嗰啲招，同埋睇下自己同FDA有咩分別，學下佢，咁可能會有機既。