愛情信箱47：男朋友retake唔理我，del曬我地啲相 精選

問題：

hello~我想問一啲感情問題呀。是咁的 我哋尋日分手 兩個都係2017dser 唔同既係我係band1生 穩入大學嗰種 佢係retaker 大學邊緣既分手。

前一排覺得佢喺wtsap到講嘢變得冇咁親暱 不過現實生活既時候對我都好好 好親密 我就有啲不滿 開始埋怨佢因為dse而忽視我 見佢都有改善。不過前日佢同我講阿媽要follow佢ig 要del晒我哋既相 又發現佢wtsap chat background從我哋既相轉咗佢自己 連contact既名都轉埋得個英文名。佢解釋話屋企人見到覺得尷尬 我嗰時就同佢講 不如算啦 我知道你對我已經冇feel。佢就話想冷靜下 靜咗一日覺得分手 而分手既理由冇講清楚 淨係話係因為佢太自私 同做唔到我既理想男朋友。
我好想挽回呢段感情 我相信佢既心裡邊有我 可唔可以同我講下有咩辦法？thank you so much🙏🏼
____________________________________________________________________________________

回覆：

我覺得佢有啲慘，因為女朋友咁勁 (你自己話自己係穩入大學嗰種)，身為男朋友當然覺得大壓力。佢唔單止要追上你，佢仲需要retake，心靈同身體上一定好難受。你知唔知retake真係好辛苦？你唔知，因為你唔使。我話你知retake除左要接受同學既白眼、仲有老師既逼迫、屋企人既期望、怕考唔到既恐懼、同埋追上你既壓力。日日喺屋企讀書唔忙？佢可以無時無刻覆你whatsapp？既然佢出到黎對你好好，咁你仲埋怨乜野？「因為dse而忽視我」佢唔讀好書，將來搵唔到工，你養佢？

BTW講返依家先，我唔知佢係咪講真話，首先要知佢呀媽係咪真係好嚴，如果好嚴既話會咁樣都唔出奇。加上壓力太大，你又覺得佢「冇乜」理你，種種原因下就想分手黎認真讀書。真係呢個原因既話你就要主動say sorry，比返啲空間佢，成日鼓勵佢、買野比佢等等。不過如果佢講出黎只係一個藉口既話，咁你講咩都冇得救了。