愛情信箱40：激嬲左男朋友，應該點氹佢好？ 精選 推薦

問題：

你好，我係你地lovestoryhk既讀者。今日我同男朋友吵得好勁，主要問題係我答應過唔向佢發悔氣，但我依然都情緒唔好下都向佢發左，令佢不斷失望。我之前愛情經驗係零，我做錯野先悉sorry，我男友就話除左sorry 我仲悉講咩tum 佢。我連說話技巧都唔悉，我唔知要講咩好，究竟應該點樣tum？

同時我都知唔應該咁，自己因為見到男友以前背住我同其他女仔好噯味，好想悔氣，希望你可以俾d 意見我 thanks！
____________________________________________________________________________________
回覆：

首先我覺得人發下脾氣冇野既，人有情緒架嘛，完全唔鬧交先奇怪啦。但係我唔知你平時為左咩而發脾氣，可能你真係成日無理取鬧先搞到佢想死，咁就sorry都真係冇用，如果係咁你真係要改改你既脾氣，嬲嗰陣就呢埋大叫發洩下先。

如果想氹佢既話道歉唔夠，你可以攬住佢，摸下佢個頭 (真係頭呀下)，同埋扮可愛咁講：「唔會再有下次架喇，原諒我啦BB~」「我知我做錯左」

不過就返今次件事黎講，佢先係錯嗰個，曖昧喎係人都嬲啦，更何況係係女朋友，發下脾氣好正常！其實佢應該比個合理既解釋你先啱，同埋要識同人保持距離。有時你覺得佢做錯左就唔使say sorry住，你要講下佢既問題先，唔係佢次次都會習慣左你道歉先。