愛情信箱36:老師愛拆散鴛鴦,中學生應否談戀愛?

紙情 兩性專欄 於 04/11/2016 發表 收藏文章
問題:

你好,我同我男朋友一齊左半年,我地感情一直都好好,雖然會嗌交但好多時候佢都係主動逗翻我個個仲好錫我。自從我地一齊左之後,佢嘅成績由好差變到好大進步,而我都仲keep住班嘅top位置,同左佢一齊之後我平時一考試嘅負面情緒都係佢開解我,我地係學校或者著校服都好有規矩,唔會話有咩親密接觸。

但有時候嘅放學翻學一齊,老師點都會知道,佢地會叫我地檢點啲,又會同我講以我條件其實入到大學都會有更好嘅男仔。我知佢地為我地好,我都唔係想要佢地嘅支持,但呢啲批抨或者反對其實都帶比我地壓力。其實我地兩個目標都好清晰,會為對方而一齊去努力,為嘅只係想證明比所有人睇我地一齊係冇影響到對方,而係一齊變得更好。

我知可能老一輩都比較保守,覺得要讀完書先好拍拖,包括我地父母,所以我地都比較少出街以免佢地懷疑。雖然我地兩個都想同屋企人坦白,但佢地平時傾開呢方面嘅態度實在太強硬,所以令我地欲步。眼見好多畢咗業嘅師兄師姐都可以同另一半行到落去,真係覺得佢地好唔容易,到底我堅持嘅野岩唔岩,在學時期又應唔應該拍拖呢?

____________________________________________________________________________________

回覆:

我覺得你地好好呀,一定要繼續落去。我身邊有朋友由中學一路拍到大學畢業,直到依家做野架,所以唔好亦唔值得放棄!因為真係唔多中學情侶識得咁諗,你地為左大家都好努力,呢點已經好過好多出左黎做野仲搞三搞四嗰啲人。你地keep going,唔使理老師點講,佢以為你地好似其他人咁玩玩下、拍散拖先會咁講,唔好放上心上,你自己知自己做緊做野就得喇。如果有時因為太忙見唔到,可以選擇一齊溫書或者做功課,記住你地曾經為大家做過咩。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→