愛情信箱30：男朋友細妹勁嗲男朋友，多次表現到唔中意我咁 精選 推薦

問題：

紙情..想問下你點先可以同男朋友既阿妹相處好啲？件事係咁既.. 我地係澳門人，我10月尾同男朋友一齊，跟著佢阿妹一見到男朋友就會撲過去，嗲聲嗲氣咁叫丁哥哥咁，戈陣就開始覺得佢妹針住我嚟上。因為佢地喬晒手，又買情侶鞋，戈陣我見到個心真係好痛，之後見親佢阿妹就瞪埋嚟我到。 食飯戈陣男朋友夾餸比我 ，佢妹就話咩：「你都未夾比我 之類戈啲啦～」，跟著佢妹又係咁瞪住我。

佢仲係男朋友間房到影相嚟做Icon同po ig，我去揾男朋友戈陣都係，我入男朋友房戈陣，我對鞋都好地地，但出返嚟準備走，我對鞋既其中一隻比人踢開左另一邊。琴日係男朋友屋企戈陣時，我見到佢妹同佢買左件情侶3同情侶鞋……雖然知佢地係兄妹..但個心真係好唔舒服……今日我有同佢打招呼佢都瞪住我...個心真係好唔舒服... 篇野好長 唔該晒 ____________________________________________________________________________________

回覆：

我覺得佢細妹因為由細到大同呀哥玩開，依家佢錫你多過錫佢，佢梗係唔開心啦。就好似細細個做大嗰個唔中意細嗰個咁，覺得分薄曬啲資源同愛，唔再萬千寵愛在一身。不過我唔係話佢細妹啲行為啱呀下，佢咁做係有問題既，始於呀哥都要有自己生活架嘛，但可能佢細個唔明白。依家你唯一可以做既野就係對細妹好好，好到似親細妹咁，有咩都益佢，抽時間同佢玩之類，咁佢就唔會覺得呀哥有異性就忘記佢啦。