愛情信箱29：男朋友媽中意佢前度多過自己 精選

問題：

我又有問題想問你😭
我依加個男朋友都好唔中意佢前度 但佢前度成日都煩住佢跟蹤佢
我男朋友將依個問題同佢媽媽講但佢媽媽竟然無乜所謂咁。

係琴日，佢前度唔知點解會比男朋友媽媽請左上去食飯，我男朋友黑哂臉但都改變唔到佢前度同佢媽媽好fd
而我係嗰刻覺得佢媽媽已經認定左佢前度先係佢嘅另一半，因為其實佢媽媽係知我先係佢嘅現任，但都要叫佢前度去佢屋企食飯...你覺得我應該點做😭
____________________________________________________________________________________

回覆：

我遇過唔少呢啲case呀，呢個時候你唔可以放棄，要同佢前度鬥到底。你可以試下奶奶政策，同佢喺wtsapp傾多啲偈，例如天氣涼左就試下煲湯比佢飲同提佢要著多件衫。可能你覺得呢啲門面功夫好肉酸，但你男朋友前度就係咁樣同佢媽混熟。你要得閒上去佢屋企，買啲乾貨比佢媽，佢地受軟唔受硬架。另外，叫你男朋友同前度傾下，咁樣搞法真係好麻煩，次次用唔同方法拒絕佢媽既話，佢媽都唔會再搵佢前度啦。