愛情信箱26：電話愈講愈少...好想返返去熱戀既時候 精選

問題：

我同我男朋友一齊咗就黎一年，一年話長唔長話短唔短，而我聽其他朋友講一年應該仲係熱戀期。

我男朋友係我初戀，我仲記得當日應承佢嗰陣嘅感覺，好神奇，唔開心時有人安慰，悶嘅時候有人傾計，真係要我傾幾晚通宵都覺得傾唔曬。

兩三個月後，我地仍然日日傾電話，但時間變成一個鐘。正常嘅，男人係無咁多嘢講呀嘛～有時都會唔開心，但係會同佢講返，希望知道大家諗緊咩。到依家，每晚傾得十五分鐘電話而信息都越黎越少，打比對方只係變左我地嘅一種習慣（唔記得講我地係long d，一年只可以見幾次面）。每晚都好期待訓前嘅呢段時間（佢要返工得呢段時間可以陪我傾下），但每次聽到佢無精神把聲，先前想同佢傾嘅嘢已經無心機再同佢傾落去。總覺得佢好攰，我應該體諒佢比佢休息。
收線後，我又開始唔開心。因為我諗起佢每日放工同朋友出去食飯到十一點幾先返屋企，又唔見話攰想早啲返去抖。雖然我唔開心，但我無再似以前咁同佢講我為乜唔開心，因為我知佢只會好緊張咁同我道歉話以後會比多啲時間我，之後又繼續咁。我覺得我地好似有左層隔模，唔再似以前想講咩就講咩，無以前咁開心舒服。（定其實係我有問題？）

真係好想返去以前熱戀嘅時候。。
_______________________________________________________________________________________

回覆：

其實long d真係好難keep，因為我都試過，我諗如果嗰陣我男朋友去多一個月就會玩完。因為long d好講大家既耐性同心態，一邊好努力咁維繫，另一邊都要有同樣既付出先唔會令感情變淡。你同男朋友就係咁既情況，一定要傾好一個時間係大家okay然後傾Skype，即使冇野講都長開，開到訓，至少好似有同步生活既感覺。不過你都可以試下寄野送比佢，等大家唔會因為距離而變遠。