愛情信箱25：男朋友對我好好，但寂寞令我同另一個人曖昧 精選 推薦

問題：

Halo 我有愛情煩惱 己經唔知可以點。

我ex係因為對我不忠，令我對愛情嘅疑心病好重....現任好專一(我feel到，因為佢好著緊，仲因為我玩交友apps同我嘈)。但佢好忙唔可以成日見，佢中六我要留班中五，住得遠又唔同校，寂寞個陣自然想有個人關心下，同過一個男仔「曖昧」，佢係以拍拖為前題，我知紙包唔住火，遲早兩邊都會知 ，同時傷害兩個人嘅感情我付擔唔起，我就冇咗同個男仔曖昧。
當然「瞹眛」個陣對個男仔有心動 ，但佢可能冇現任嘅專一同著緊，而且成日花心冇可能拍長拖，想今次拍耐D，因為就算分手同瞹眛對象一齊，最終都係同其他人瞹眛。

雖然話手機密碼比咗男朋友，但始終成日唔見都唔知有咩用.... 而且本身同佢係第一次出街就半推半就同佢親熱，所以某程度上係因為激情一齊，其實係咪成件事(拍拖)冇咩意思?

我吔未成熟 都唔知點先叫拍拖.... 可以教下我點算好?唔該哂吖😭😭😭😭
_______________________________________________________________________________________

回覆：
其實女人都幾難服待，當你遇上壞男人就好唔開心，怨天點解要咁對你。好喇，當比左個好男人你之後，明明佢對你好好，你又會縑佢悶呀，唔夠壞男人激情之類。如果你地一個禮拜都會出黎見一、兩次都已經唔錯，畢竟你地真係唔同校，唯有搵個中間點一面。如果你依家接受唔到唔同學校，咁日後當你識到第二個，你地唔同公司，你又會偷食嗎？

拍拖其實並冇一個固定既模式，唔係見多啲就係拍拖，只要兩個人真心中意大家，又肯為大家付出心機同時間就算係拍緊。你既然都知道佢好好，點解唔主動對佢好啲？例如之為左佢去學整蛋糕，出黎拍拖可以去啲特別地方(行山、游水、去cafe等等)，爭取多啲傾偈時間，咁你地兩個先會更加了解對方。