愛情信箱12：冇出街、冇傾電話、現實零接觸，仍然係男朋友嗎？ 精選

問題：

我同佢係同班同學 同班左2年 下年都會同班。本身都已經有緋聞 而且已經持續左一年半 我地拍左拖都有3個月 但我地一直都冇公開 驚啲同學會更加煩 而知道我地係埋一齊左既應該都只有我啲閏蜜。我地都冇一齊出過街 冇傾過電話 一直都只係用whatsapp keep住每日傾計。現實中機乎零接觸 唔會搵對方 見到都會扮唔熟 甚至會避開對方 。雖然我同佢私底下都認對方係男女朋友 但我都係成日係度諗究竟我地算唔算拍拖 應該話究竟我地係咩關係🙈

_______________________________________________________________________________
回覆：

咁點解你地要咁做？地下情其實冇問題既，我明白你怕閒言閒語，但係現實中你地都可以好似朋友咁架！無須做到零接觸咁嚴重。你地咁樣落去對其實對你有危機，佢大可以同人講冇女朋友，加上你地冇接觸，更加唔知佢會唔會咁做。當然你對佢有信心又唔介意咁樣相處既話，冇話淨係wtsapp唔得既，不過長久黎講就一定唔得，感情會好難增進！！！畢竟你地唔係異地戀緊嘛~