患難時不離不棄先係真愛 精選

患難見真情呢句說話係真，「你可以肯定佢真正愛你？」，你話：「可以」。佢帶你周圍玩，同你去好多個國家旅行，無論中餐、西餐、印度菜都好，佢都陪你食，又成日送你話想要既野比你。你覺得好甜蜜，因為佢對你好好。

「咁你有冇試過病？有冇試過失意？佢個陣喺邊？佢忙緊工作？佢唔得閒？定係大魚大肉緊？」你一句都答唔到我。因為每次你病，訓喺張床度好辛苦，頭暈、身體酸痛，一個人望住個天花板，佢都唔喺身邊照顧你。或者你做野好大壓力，啱啱比上司無理取鬧完，食左死貓，好想搵一個人比膊頭你大喊一場。究竟呢個時候佢喺邊呢？或者你都講唔出。如果一個人真係深愛你應該可以同甘共苦，而唔係當你一個人喊緊既時候，佢依然做自己野，亦唔打算幫你解決問題。如果佢係咁，之後有咩事都係你一個人揹？

我見過真正既愛係即使佢病左，依然堅持每日去醫院，日日煲粥，摸住對方頭髮同佢分享趣事。即使對方已經好努力，到最後要離開呢個世界，佢都係好愛好愛對方。佢仲會記得生前佢地發生既事，亦記得生前佢地plan好左既計劃，佢叫對方：「你喺天堂等我。」
我講笑咁同男朋友講：「我有cancer你會點？」，其實我希望佢可以搵第二個真愛，但佢答：「我會剃光個頭陪你。」。雖然心裡面笑佢傻仔，亦唔知第日係咪真係會咁做，但係已經比平時既甜言蜜語來得窩心。
_________________________________________________________________

如果中意我既文可以去我Instagram ：lovestoryhk
或者like我facebook fanpage：紙情
/定期更新愛情文章架，多謝支持/

_________________________________________________________________